Amerikami politiit nassaartut: Kokaini 15 tonsi arsaarinnissutigineqartoq

Liberiamiut umiarsuarsuaataanni inuttat marluk umiarsuarmut assartuummut kokaini  assartuussimallugu nassuerutigaat.

Kokaini umiarsuup avataaniinnerani umiarsuarmut assartuunneqarsimasoq, amerikami pisortat ilisimatitsissutigaat.

Kokainimik nassaarfiusoq umiarsuaq Colombiamut, Perumut, Bahamasimut Panamamullu
qaammatit kingulliit aqqusaarsimavoq.

- Kokaini nassaarineqartoq inunnit milliuunilikkaanit toqqutigineqarsimassagaluarpoq, naalagaaffimmi unnerluussisoq, William M. McSwain  Twitterikkut taama allaaserisaqarpoq.

Paasiniaasartut naapertorlugit umiarsuup avataaniinnerata nalaani kokaini assartuunneqartarsimavoq.

Umiarsuaaqqat assigiinngitsut 14-it kokainimik assartuisut umiasuarmut assartuummut kranit atorlugit assartuisarsimasut - umiarsuarmi anngiortumik eqqisseriaraluartut nassuerutigaat.

Kokaini nassaarineqartoq tuniniarneqarsimasuupput 6 milliardit koruuninik naleqassagaluarpoq.