Partiip Alternativep nunarput utoqqatserfiginiaraa

Partii Alternativet taama isumaqarpoq. Taakku nunarsuarmi pissutsinut tunngasunut politikkertik nutaaq ataasinngorpat saqqummiunniarpaat.

Naalagaaffeqatigiinni nunanik tapersersuinermi saniatigut, Issittup ingasattumik saqitsaassutigineqannginnerata attatiinnarneqarnissaa Alternativetip suliniutiginiarpaa.

Danmarkillu nunasiaatigisimasaminut pisortatigoortumik utoqqatsernermigut nunanut taakkununnga pitsaanerusumik attaveqalernissaaa partii Alternativetip pissusissamisoorsoraa, utoqqatsernerullu saniatigut taarsiissuteqarsinnaanissaa takorloorneqarluni.

AAMMA ATUARUK Meeqqat atuarfiat pitsaasoq namminiilivinnissamut aalajangiisuussaaq

Nunani nunasiaataasimasuni maanna unammilligassat ilaat Europami nunat nunasiaateqarsimaneranneersuusut Alternativet isumaqarpoq, nunallu nunasiaateqarsimasut pisortatigoortumik utoqqatsissuteqarnissaat partiip sulissutiginiarpaa, nunasiaataasimasut nunasiaateqarsimasullu akornanni pissutsit naligiinnerulernissaat suliniutiginiarlugu.

AAMMA ATUARUK Naleqqap ataatsimoortumik tapiissutit namminiilivinnerup kingorna isumaqatigiinniutiginiarai