Alternativet: Kalaallit Nunaat silap pissusia pillugu isumaqatigiissummut peqataasimasariaqaraluarpoq
![](/sites/default/files/styles/image_934x467/public/article_images/nikolaj_amstrup.jpg?itok=mKMjpXFn)
![](/sites/default/files/styles/image_934x467/public/article_images/alternativet_grafik.png?itok=gGUkUQN3)
- Paasissutissat pigisakka naapertorlugit, innaallagissiornerup 70 procentia erngup nukinganit pivoq. Tassalu nukissiuutitigut ajunngilluinnartumik iliuuseqarput. Taamaammat takutitat ajunngilluinnartut sila pillugu isumaqatigiissummut peqataannginnikkut ersarluttunngortinneqarmata uggornarpoq. Naalagaaffeqatigiit peqatigiilluta akisuussaaqatigiinnerusimasariaqaraluarpugut, Alternativep nunatsinnut tunngasuni oqaaseqartartua, Nikolaj Amstrup oqarpoq.
Nunatta sila pillugu isumaqatigiissumuut peqataannginera nunatsinnut Danmarkimullu pitsaangisuusoq, taanna isumaqarpoq.
Aamma atuaruk Vittus: Silap pissusia pillugu isumaqatigiissut Nunatsinnut pitsaasuunngilaq
- Kalaallit Nunaata kingunerusut, soorlu sermersuup aanneruneratigut, misigiperlummagit, Kalaallit nunaata sila pillugu isumaqatigiissummut peqataanissaa, Danmarkimut Kalaallit Nunaannullu pingaartuusoq, isumaqarpunga. Taamaalilluta tamakkiisumik takutinniassagatsigu, sila pillugu siumaqatigiissu soorunami ilumoorukkipput, Nikolaj Amstrup oqarpoq.
Kalaallit Nunaata isumaqatigiissummut peqataanissaa anguniarlugu sooq Nalagaaffeqatigiit iluminni aaqqiissuteqarsinnaasimannginersut pillugu danskit nukissiutinut silallu pissusaanut tunngasunut ministeriat, Lars Christian Lilleholt, apersorniaraluarparput, taannalipiumangilaq.
Aamma atuaruk Silap pissusia pillugu nunani tamalaani isumaqatigiissutaasoq Nunatta peqataaffiginianngilaa