COP21 Silap pissusia pillugu nunani tamalaani isumaqatigiissutaasoq Nunatta peqataaffiginianngilaa
![](/sites/default/files/styles/image_934x467/public/article_images/2014-10-07_16.53.58.jpg?itok=uFlzYvEc)
Silap pissusia pillugu nunani tamalaani isumaqatigiissutaasoq ataatsimeersuarnermi COP21-mi nunanit 195-init siorna decembarip aqqaneq-aappaani akuersissutigineqarpoq, inuussutissarsiornermullu, suliffeqarnermut nunanullu allanut tunngasunut naalakkersuisup Vittus Qujaukitsup (S) gassinik nunarsuup silaannaanik kissatsikkiartortitsisunik aniatitsisinnaanermik killilersuisoqarnera taamani isornartorsiorpaa.
Aamma atuaruk Silap pissusia pillugu isumaqatigiissut nunatsinnut akisusinnaavoq
Aamma atuaruk Lilleholtip Kalaallit Nunaata isumakulunnera paasisinnaavaa
Vittus Qujaukitsullu pinngortitamut, avatangiisinut inatsisinillu atuutsitsinermut naalakkersuisoq Mala Høy Kúko peqatigalugu Inatsisartut Eqqissisimatitsinermut Avatangiisinullu Ataatsimiititaliaannut nalunaarutigaat, Naalakkersuisut isumaqatigiissutip imarisaa sukumiisumik nalilersuiffigereerlugu aalajangertut Nunarput isumaqatigiissummut nunatut nangaassuteqartoq.
- Taamaattumik kalaallit tungaannit isumaqatigiissummi inaarutaasumik allaqqasumi nunap inoqqaavisa pisinnaatitaaffiinik inatsisitigut pituttorsimasunik innersuussisoqarsimannginnera ugguaraarput, matumani nunap inoqqaavisa ineriartornissamut pisinnaatitaaffiisa inaarutaasumik isumaqatigiissutip oqaasertaliussaanut ilaatinneqannginnerat ilanngullugu. Tamatuma kissaaterput qularnaarsimassagaluarpaa.
Aamma atuaruk Vittus: Isumaqatigiissut pakatsinarpoq
Aamma atuaruk IA-p Demokraatillu isumaqatigiissut iluarisimaarpaat
- Aamma nalilerparput, naalagaaffiup iluani aningaasatigut ineriartornissamik kissaatitsinnut naapertuuttumik aaqqissuussamik ilaasinnaanissatsinnullu periarfissiisumik nassaassaqanngitsoq. Taamaattumik Parisimi isumaqatiginninniarnermut nunatut nangaassuteqarneq aalajangiupparput, Vittus Qujaukitsoq tusagassiorfinnut nalunaaruteqarluni taama allappoq.
Parisimi isumaqatigiissut nunarsuup silaannaata kissatsikkiartornerata suliffissuaqarnerup siorna qaffassissutsimut naleqqiullugu gradinik marlunnik qaangiinnginnissaanik aammalu nunarsuup silaannaata kissatsikkiartornerata 1,5 gradinik annikillisarnissaanik siunertaqarpoq. Isumaqatigiissut Naalagaaffiit Peqatigiit New York City qullersaqarfianni tallimanngornermi apriilip 22-anit atsiorneqarsinnaavoq ukiorlu 2020 atuutilersinneqassalluni.
Aamma atuaruk Silaannaap kiatsikkiartunnginnissaanut isumaqatigiittoqarpoq