COP21 Silaannaap kiatsikkiartunnginnissaanut isumaqatigiittoqarpoq.
Silap pissusianut isumaqatigiissut 2020-mi atuutilertussaq, nunarsuarmi silap kiatsikkiartornera 2 gradet ataanniartussanngorpaa.
Allattoq Ritzau
decembarip 12-at 2015 16:01
Nutserisoq Kerté Jeremiassen
Silaannaap kiatsikkiartunnginnissaanut oqaluttuarisaanikkut killilersimaarinninnissamik isumaqatigiissut, nunarsuullu silaannaata ajutoorluinnarnissaanik annaassiniartussaq, nunanit 195-nik Parisimi isumaqatigiissutigineqarpoq.
Isumaqatigiinniaqattaarnerpassuit Frankrigip illoqarfiata pingaarnersaani Parisimi novembarip 30-niilli aallartipput tallimanngorneq sipporlugu arfininngorneq ilanngullugu ingerlanneqarlutik.
Silap pissusianut isumaqatigiissut 2020-mi atuutilertussaq, nunarsuarmi silap kiatsikkiartornera suliffissuaqalernerup aallartilaanngilaataani qaffasissusaanut 2 grademik naleqqiullugu 1,5 grademik taamaallaat qaffannissaa siunniunneqarpoq.
