Aleqap Issittumi illersornissamut isumaqatigiissut nersualaarpaa
![](/sites/default/files/styles/image_934x467/public/article_images/aleqa_hammond_foto_kopenhagen_fur.jpg?itok=9UOYtL7x)
Isumaqatigiissut Danmarkimi naalakkersuisut, Radikale Venstrep Socialdemokraatillu akornanni isumaqatigiissutigineqarpoq, taamaalillunilu Illersornissaqarfiup Nunatsinni qaammataasatigut nakkutilliinermut, Issittumi Sakkutooqarfimmi sulisunut amerlanerusunut inunnullu namminneq kajumissutsiminnik upalungaarsimasunut aningaasat ukiumut 120 millionit koruunit atorsinnaalerpaat.
- Takuneqarsinnaavoq suliassaqarfiit pingaartinneqarnerullutik annertusaavigineqassasut, tamanna qujanarpoq, Aleqa Hammond KNR-imut allappoq.
AAMMA ATUARUK Kangilinnguani sakkutooqarfik ammaqqittussanngoraat
Taakku saniatigut Issittoqarfiup Kangilinnguani sakkutooqarfiusimasoq ammaqqittussanngorpaa. Politikerillu tamanna aamma nersualaarpaa.
- Kangilinnguit nutaamik isummerfigineqarnerani sungiusarfittut, pequusivittut atortunullu qitiusoqarfissatut atorneqartussanngorpoq. Kangilinnguit pillugu aalajangerniarneq torinngissimaqisoq aamma erseqqissumik isummertotqarnera ajoriinnagassaanngitsutut isumaqarfigaara inuiaqatigiinnut iluaqutissaqartussanngorluni aaqqiivigineqartussanngormat, Aleqa Hammond KNR-imut mailikkut allappoq.
Isumaqatigiissutigineqartumi Illersornissaqarfik Issittumi ukiup tulliani suliaqalissaaq.