Politikki Inuussutissarsiutit

VIDEO Alcoap suliniutaa paasisaqarfigineruguk

Maniitsumi aluminiumik aatsitsiviliornissamik suliniut kingumut unitsikkallarneqarpoq. Vittus Qujaukitsup, Hermann Berthelsenip illoqarfimmilu innuttaasut tamanna qanoq isumaqarfigineraat matumani paasisaqarfigiuk.

Allattoq Walter Turnowsky, Kassaaluk Kristiansen, Bikki P. Kleist

aggustip 26-at 2015 11:06

Aluminiup akiisa apparaluttuinnarneri pissutigalugit nunarsuarmi aluminiumik tunisassiortut anginerit aappaata, Alcoap, aatsitsiviliornissamik suliniut unitsikkallarpaa Naalakkersuisullu erngup nukinganik nukissiorfissamut suliniummut atasumut allanik aningaasaliisussarsiulerput.

Inuussutissarsiornermut, suliffeqarnermut niuernermullu naalakkersuisup Vittus Qujaukitsup erngup nukinganik nukissiorfiliornissamut periarfissanik allanik ujarlernera ilanngutassiami qulaaniittumi paasisaqarfigiuk.

Maniitsumi innuttaasut akornanni pakatsisoqarlunilu suliniutip piviusunngortinneqarsinnaanera qularineqalerpoq, suliniummi ukiuni arfineq-pingasuni maannamut ingerlanneqareerpoq.

Qeqqata Kommuniani borgmesterip, Hermann Berthelsenip (S), Alcoap soqutiginninnerata millisimanera pakatsissutigalugulu isumakulunnartippaa. Inuussutissarsiorfigineqarsinnaasunik allanik misissuisoqarnissaa kaammattuutigaa peqatigisaanillu aamma aluminiup akiisa qaffakkiartoqqilernissaat neriuutigalugu.

AAMMA ATUARUK Alcoamik suliap piffissalernera akunnappoq

AAMMA ATUARUK Alcoa pakatsissutigaat

AAMMA ATUARUK Alcoamik suliaq Qujaukitsumit suli upperineqarpoq

AAMMA ATUARUK Maniitsup eqqaani aluminiumik aatsitsiviliornissaq unitsinneqarallartoq

AAMMA ATUARUK Alumiiniumik aatsitsiviliortoqassanersoq nalunaarutigineqassaaq