Alumiiniumik aatsitsiviliortoqassanersoq nalunaarutigineqassaaq

Inuussutissarsiornermut Suliffeqarnermullu Naalakkersuisoq Vittus Qujaukitsoq aamma

amerikamiut alumiiniuliortitsiviat Alcoa, Maniitsup eqqaani alumiiniunik aatsitsiviliussanersoq imaluunniit erngup nukinga atorlugu nukissiorfiliortoqassanersoq ataasinngorpat innutaasunik ataatsimiititsinermi nalunaarutineqassaaq.

Alumiiniunik aatsitsiviliornissamut suliniummut atatillugu erngup nukinga atorlugu nukissiorfiliornissamut Alcoa misissuisitsivoq pisussaaffiliisumik.
Nukissiorfiit alumiiniumik aatsitsiviliornermut atunngikkaluarlugu inuussutissarsiutinut allanut atorneqarsinnaanera Naalakkersuisunit eqqartorneqassaaq.

Aamma atuaruk  alcoa-nunatsinni-aatsitsiviliunnginnissamik-aalajangeeriaannaavoq

- Maniitsup eqqaani erngup nukinganik nukissiorfiliornissaanut periarfissat siusinnerussukkulli qujaalaaffigineqartut  suliniutinut allanut iluaqutigineqarsinnanerat Naalakkersuisunit eqqartortussaavarput, Vittus Qujaukitsoq oqarpoq.
-
Nunatsinni alumiiniumik aatitsivimmik pilersitsisoqarnissaata pivisunngortinneqarnissaa Naalakkersuisut suliniutigigaat tamanna aamma Naalakkersuisoqatigiit isumaqatigiissutaannut ilaavoq.
Alumiiniup nunarsuarmi akiata appariartornera pissutigalugu Alcoap inissimanera ilungersunartutut inissisimavoq.

Aamma atuaruk alcoamut-isumaqatiginninniarnerit-ingerlateqqinneqassapput

- Alumiiniumik aatsitsiviliornissamut suliniut suut aporfiunersut  aamma suut siunissami qaninnermi naatsorsuutigineqarnersut innutaasunut oqariartuutigineqassapput, Inussutissarsiornermut Naalakkersuisoq oqarpoq.
Erngup nukinganik nukissiorfiliortoqassappat Alcoamik suleqateqarneq pinngitsoorneqarsinnaanngitsoq Vittus Qujaukitsoq oqarpoq.

-Alcoa misissuinernut annertuunut assigiinngitsorpassuarnut annertuunik  aningaasartuuteqarnikuuvoq, taamaattumik Alcoa avaqqutiinnarlugu pineqarnissaa mianersuulluinnaqqissaarpara, kisianni sunik allanik periarfissanik sinnaakkutissaasut iluanni periarfissiisoqarnissaa suliniutitta ilagivaat, Vittus Qujaukitsoq oqarpoq.
Erngup nukinganik nukissiorfiliortoqassappat taakkua kikkunnit atorneqarlutik iluaqutigineqassanersut ataasinngorpat Maniitsumi innutaasunik ataatsimiisitsinermi nalunaarugineqarumaartoq Inussutissarsiornermut Naalakkersuisup Vittus Qujaukitsoq oqarpoq.