Alcoa tv-kkut oqallisigilerpaat

Namminersorlutik Oqartussat Alcoap aluminiumik aatsitsivissualiorniarneranut aallakaatitassiat pingasut aningaasaliiffigaat taakkununngalu malitsigitillugu tv-kkut oqallittoqassaaq.
Allattoq Noah Mølgaard
novembarip 14-at 2011 08:37

Aallakaatitat pingasuusut siullersaat sapaammi unnukkut aallakaatinneqarpoq suliniut pillugu paasissutissiissut aallakaatinneqarmat.

Unnugu nalunaaqutaq 20.00 aluminiumik aatsitsiviliorfissap avatangiisinut pinngortitamullu sunniutigisinnaasai pillugit aallakaatitsisoqassaaq.

Islandimiut piviusulikkersaarutaat 'Dreamland' marlunngornermi unnukkut nalunaaqutaq 20.00 aallakaatinneqassaq, pingasunngornermilu unnukkut suliniutip aningaasarsiornikkut piginnittussaanermullu tunngasortai pillugit aallakaatitsisoqassalluni.

Suliniut taanna annertooq KNR-TV-mi toqqaannartumik aallakaatinneqassaq sisamanngorpat nalunaaqutaq 19.20. Oqallinnermi peqataassapput Aatsitassanut Naalakkersuisoq Ove Karl Berthelsen, Inatsisartut inuussutissarsiornermut ataatsimiititaliaanni ilaasortat ilaat, avatangiisit pillugit suliniaqatigiiffik Avataq, sulinermi inuussutissarsiutillit kattuffiat SIK kiisalu sulisitsisut peqatigiiffiat GA. Oqallinneq qallunaatut ingerlasussaq nalunaaqutaq 20.15 aallartissaaq.