Alaskap avataani uuliasiorluni qillerinissaq akerliuffigineqartoq
![](/sites/default/files/styles/image_934x467/public/article_images/barrow_alaska_foto_terry_feuerborn_flickr_crastive_commons.jpg?itok=7JiYtGr-)
Tjuktiit imartaat uuliasiorfiusussaaq, Ualerngullu Tarajuata ungasinngigisaaniittup Shellip aamma qilleriffiginiaraa aamma ilisimaneqarpoq. Shellili tamaani qillerinissamut akuersissummik suli tunineqarnikuunngilaq.
Uuliaarluertoqarpalli tamanna apeqqutaanavianngitsoq, avatangiisinik illersuiniaqatigiiffiit oqaatigaat, tassa Tjuktiit imartaanni uuliaarluertoqassappat Ualerngup Tarajuanut aamma siaruaassinnaammat.
Taamaalisoqassappat Inuvialuit inuuffiisa mingutsinneqaratarsinnaanerat aarleqqutigineqarpoq.
AAMMA ATUARUK Issittumi qilleraluni uuliasiornissaq Clintonip isumaqataaffiginngikkaa
Brian Salernop, USA-p avatangiisinut qullersaqarfianeersup erseqqissaatigaa Shellip Alaskap sineriaata avataani sulinera nakkutigeqqissaarneqarumaartoq, suliffeqarfiullu sillimaniarnermut malittarisassat pinngitsoorani malittussaagai.
Tamaani immap naqqani uuliasiorniarnerup aarlerinaateqarnerata tamanit paasineqarnissaa isummaminnik siaruarteriniat neriuutigigaat aviisip The Gazettep allaaseraa, Issittup imartaani uuliasiorniarnerup ajornarsinnaanera tamanut saqqummiunniarneqarluni. Shellip uuliasiorniarnissamut pilersaarutini taamaammat taamaatiinnarumaarai avatangiisinik illersuiniaqatigiiffiit neriuutigaat.
AAMMA ATUARUK Shellip misileraalluni qilleriniarnera Inuppiaat isumaqatigiinngissutigigaat
AAMMA ATUARUK Shellip issittumi uuliasiorluni qilleriniarnera Obamamit akuersissutigineqartoq