Sulisussaaleqineq isumaqatigiissutit suliarineqannginnerannut pissutaasoq
Peqqinnissaqarfimmi sulisunut isumaqatigiissutit sooq suli suliarineqannginnerat Samarbejdspartimit Tille Martinussenip paragraf 37-mut apeqquteqarluni paasiniarpaa.
Aningaasaqarnermut naalakkersuisup, Pele Brobergip Namminersorlutik Oqartussani isumaqatigiinniarnermut pisortaqarsimannginnera ilisimatitsissutigaa, atorfilli juuli aallaqqaataat, 2018 aallarnerfigalugu inuttalerneqarsimanerarlugu.
AAMMA ATUARUK Peqqinnissaq pillugu kattuffiit Namminersorlutik Oqartussat iliuuseqaqquaat
KANUKOKA-llu atorunnaarsinneqarnera suliap ingerlaneranut aamma sunniuteqarnerarlugu:
Paatsuunganeq sulisussarsiniarnermut ajornartitsisoq
- KANUKOKA-p atorunnaarsinneqarnerata kingunerisaanik ukiuni kingullerni isumaqatiginninniarnermik immikkoortortaqarfik malunniutilimmik tamaviaarnarnerulersimavoq, Broberg akissuteqarluni allappoq.
Isumaqatigiinniarnernut atorfinitsitsiniarnernullu tunngatillugu KANUKOKA-mi kommuninut arlalinnik siunnersuisartoqaraluarpoq. Suliassallu taakku maanna Namminersorlutik Oqartussat isumaqatigiissutinut immikkoortortaqarfianut nuutsinneqarnikuupput.
Immikkoortortaqarfimmi suliassat amerlinerat ilutigalugu sulisut amerlinngillat.
Peqqinnissaq pillugu kattuffiit, pisortani atorfinnik aaqqissuussisartut naapertorlugit akissarsiaqartitsinerit atorfinitsitsiniarnermilu pissutsit paatsuungassutigineqarnerat peqqinnissaqarfimmi sulisussarsiniarnerup ajornarneranut peqqutaanerpaapput.
AAMMA ATUARUK Dronning Ingridip Napparsimmavissua sulisussaalatsivoq
Peqqinnissaqarfiup uningaviusinnaasut arlaqartut aasaanerani atorunnaarallarneqartartunit amerlanerusut sulisussaaleqineq pissutigalugu atorunnaarsikkallartariaqarpai.
