URANI Akerliussutsinermik angernermillu takutitsinerit
![](/sites/default/files/styles/image_934x467/public/article_images/uranium1.jpg?itok=q32LtM0m)
- Inupparujussuit isumaqarput qulaaninngaanniit pisussaq aalajangerneqalersoq aammalu aalajangerneqareersoq ilaatigut, taamaammat tassa akisussaaffik tigusimavarput, inuiaqatigut uagutsitulli eqqarsartut suleqatiseralugit taamaalilluta qulaaninngaanniit aalajangerneqartutut misigisimanerput taanna illuatungilerniarparput, uranimut akerliusutsimik Nuummi ualeru takutitsissamut pilersaarusiortut ilaat, Erik Jensen taama KNR-imut oqarpoq.
Inatsisartunut qineqqusaarnerrmi kingullermi uran sammineqanngaatsiareeraluartoq, akerliunissaq suli pisariaqaqissoq nngaatsiartoq, Erik Jensen oqarpoq.
- Allatut ajornartumik tusaaneqanngitsutut misigisimagatta taamatut akerliussutsimik aaqqissuussissalluta aalajangersimavugut, Erik Jensen KNR-imut oqarpoq.
Aamma atuaruk Uranimut akerliussutsimik sumiiffinni arlalinni takutitsisoqassaaq
Akerliusut aamma Narsami ingerlaaqatigiissapput, Poul Kielsenilu tassunga peqataaniarnani aalianngersimavoq, namminermi Erik Jensen allallu akerliusut isumaqatiginngilai.
- Naamik, urani pillugu naaggaartunut angalaaqataanianngilanga. Aatsitassarsiornissamut angertunut angalaaqataassaanga. Uranisiorfimmik maani aallartitsinngillat aatsitassarsiortut. Aatsitassanuku qaqutigoortut pillugit aallartitsiniartut, Poul Kielsen oqarpoq.
Piviusorli imaappoq Kuannersuani GME uranimik, aatsitassanillu qaqutigoortunik piiaanissamut pilersaaruteqartoq, innuttaasulli taasitinneqarnissaannik apeqqummut Poul Kielsen ersarissumik isummmersimavoq.
- Isumaqarpunga pisariaqanngitsoq, aamma aalajangiiffigereernikuuvaat ammareernikuuvaat aamma, Poul Kielsen, Narsarmiu, KNR-imut oqarpoq
Uranimik piianissamut akerliunermik tapersorsuinermillu takutitsinernik illoqarfinni Aasianni, Narsami, Qaqortumi, Nuummi, Tasiilami, Ilulissani, Qeqertarsuarmi, Narsarsuarmi Qassiarsummilu ullumi nalunaaqutaq sisamaniit angalaaqatigiittoqassaaq. Ingerlaaqatigiinneq Nanortalimmi pisussaq silap ajornera peqqutigalugu taamaatinneqarpoq.
Aamma atuaruk Innuttaasut taasitinneqarnissaat pillugu Inuit Ataqatigiit isumaat erseqqinngilaq