Air Greenland pilersaarusiorluni Islandimi piginneqataalerpoq
Air Greenlandip Islandimi attaveqarfitik nukittorsarpaat qulimiguulinnit ingerlatsivik Nordurflug piginneqataaffigilernerasigut. Taamaaliornikkut Islandimi niuerfimmi inissisimanertik nukittorsarnissaa siunertaavoq taamaalillunilu takornarianik pilerngunnermut nukittuumik inissisimalernissaq anguniarlugu.
Air Greenlandimut Islandimiut qulimiguulinnut ingerlatsivianik piginneqataassuteqarneq maanna aapperpaat, pisortaanerullu oqaatigaa taamaaliornertik Islandimi takornariaqarnermut akuulluarnermik pilersitsissasoq, ingerlatsiviit taakku marluk attaveqarluarnerat tunngavigalugu.
Piginneqataalernerlu nutaamut attaveqarfiit tunngaviunerpaapput.
Pisisartunik piumapput
- Takornariat Islandiliartut kalaallit nunaannut ingerlaqqikkusuttut amerlaqaaq, Air Greenlandilu Islandimut angallassisarpoq, suliffeqarfippullu inerisaqqikkusullugu. Taamaattumik sullitanut uagutsinnut pisisartunngorsinnaasunut appakaannissarput uani aalajangiisuusimavoq, Air Greenlandimi pisortaq, Michael Højgaard.
Aamma atuaruk 725 millionit ukiualunni mittarfeqarnissaq qulakkiissavaat
Aamma atuaruk Air Iceland: Qaqortumi mittarfiliortoqarnissaq pisariaqartinneqanngilaq
Ukiorpassuarni Air Greenlandip piginneqataaffigilikkani suleqatigisisarpaa, ingerlalluarmallu piginneqataalernermik kinguneqarpoq.
30 procentia pisiaraa
Qanorli aningaasartuutaasimanera oqaatigerusunngilaa, kisianni Norduflugimut piginneqataassutip 30 procentia pisiaraa, iluatsillugulu Air Greenlandip qulimiguulinnik taakkua tunisiffigaat.
Piginneqataalernermi anguniagaavoq Air Greenlandip takornariaqarfissuarmi inissisimanerata qulakkeernissaa. Anguniakkallu pingaarnersaraat aningaasanik isaatitsinissaq.
Aamma atuaruk Islandip Nunarput suleqatigiumagaa
- Nammineq aningaasalersortussamik piginneqataalerpugut, namminnerlu islandimi niuerfimmi aningaasarsiornissartik ingerlatissavaat. Saniatigullu takornarialerisut attaveqaqatigiinnerannut peqataalernissamut una ilaassaaq. Aamma ingerlatsinigut inerisarniarlugit Islandimiit kalaallit nunaannut takornarissat soqutiginnilersikkusullugit.
