Air Greenland Nunavumut timmisartortitseqqittalissaaq
2024-mi aasaaneraniit Nuummit Canadap avanannaanut toqqaannartumik timmisartortoqarsinnaalissaaq, Air Greenlandip ingerlavik nunatsinni illoqarfiit pingaarnersaanniit Nunavumi Iqalunnut ingerlavik ammarpagu.
Ingerlavik ammarneqarpoq Nunavimmiit aamma Kalaallit Nunaanniit kulturikkut, ilinniartitaanikkut, aalisarnikkullu aamma mingutsitsinngitsumik nukissiornernikkut annertunerusumik suleqatigiittoqarnissaa kissaatigineqarmat aamma angalasinnaaneq pitsaanerusoq ammaanniarlugu.
Ataasinngormat tusagassiuutinut nalunaarummi Air Greenland taama allappoq.
Nuup Iqaluillu akornanni aatsaat ingerlaveqalinngilaq. Kingullermik ukiuni 2014-inmit 2016-imut aasaanerani ammavoq.
Timmisartuussissarnerit suleqatigiinneq nukittorsassavaat
Ingerlaviup ammannera pillugu Air Greenlandip pisortaanera Jacob Nitter Sørensen oqarpoq:
- Nalunngilarput Nunavup Kalaallillu Nunaata akornanni qaninnerusumik suleqatigiinnissaq kissaatigineqartoq oqaloqatigiissinnaanerlu pissusisssamisoorpoq kimmut sanilitsinnut ingerlavik pissusisssamisoorpoq. Upperaarput inuussutissarsiornikkut, politikikkut aamma kulturikkut ataqatigiinnerit amerlasuut pioreersut suli annertunerusumik ineriarftorfissaqalissasut.
Iqalunnit toqqaannartumik illoqarfiit pingaarnersaannut Ottawamut timmisartumik ingerlaqqittoqarsinnaavoq, Air Greenland nalunaarpoq.
Timmisartortitseqatigiit akornanni suleqatigiinneq
Nunavumi Iqalunniit Ottawamut timmisartorneq timmisartortitseqatigiinnit Canadian North-imit ingerlanneqarpoq. Suleqatigiinnerlu Air Greenland-ip aamma Canadian North-ip nunannaarutigaat.
- Air Greenlandimik suleqateqarnerput qujamasuutigeqaarput. Pilersitsiniarnerup taassuma tamatta Canadap, Nunavut aamma Kalaallit Nunaata akornanni kulturikkut annertuummik paarlaateqatigiittarnissap siuarsarnissaanik takorluugarput takutippaa, Canada, Nunavut og Grønland, Canadian North-imi siulersuisut siulittaasuat Johnny Adams oqarpoq.
- Aamma uanga nuannaarutigeqaara Canadian North-imik suleqateqalerneq iluatsimmat, siunissami angalasussat ajornanngitsumik bilitsinik Ottawamiit aqqutaa tamaat nunap ilaani ornigassamut allamut inniminniisoqalersinnammat. Ineriartornissaq malinnaaffigissallugu pissangaqaaq, ingerlavik nutaaq pillugu Air Greenlandip pisortaa oqarpoq.
Nuummiit Iqalunnut timmisartornissaq siulleq aappagu 26. juuni pissaaq. Juunimiit oktobarimut pingasunngornerit tamaasa Iqalunnut timmisartortoqartassaaq.
