Aaversittartunngorsinnaanissamut Danmarkimi malittarisassat sukannerpallaarunnaarsinniarneqartut
Danmarkimi angutit suiaqatiminoortartut angutit allat assigalugit aaversittartunngorsinnaanissaat Danmarkimi naalakkersuisut siunnersuutigaat.
Danmarkimi partiit naalakkersuisoqatigiit pingasut oqaaseqartartui taama oqarput. Nutaarsiassaqartitsivik Altinget taama allaaserisaqarpoq.
Socialdemokratit peqqissutsimut oqaaseqartartuat Flemming Møller Mortensen (S), Venstrep naligiissitaaneq pillugu oqaaseqartartua Linea Søgaard-Lidell (V), partiillu Moderaternep politikkikkut oqaaseqartartua Monika Rubin (M) taama allagaqaateqarput.
Altingetimut ima allapput:
- Suiaqatiminoortartunik Danmarkimi ukiorpassuarni assigiinngisitsisoqartarnera taamaasilluni unitsinneqassaaq, taakku ilaatigut allapput.
Angutit suiaqatiminoortartut qaammatini kingullerni sisamani aatsaat atoqateqarsimanngipppata aaversittartunngorsinnaapput.