Assi: KNR

Aatsitassanut inatsisissamut akerliusut amerliartorput

Suliat ammasumik malinnaaffigineqarsinnaajunnaarnissat, maalaarsinnaanerlu killeqalernissaa, suliniaqatigiiffinnit ernummatigineqarluni qisuariarfigineqareerpoq. Aatsitassanut avatangiisinullu suliassaqarfiit ataatsimuulersinneqarnissaat politikikkut illuatungiliuttunit aamma ilalerneqangaanngilaq.

- Avatangiisinut tunngasut  aatsitassarsiornianit ajornanngippallaamik aqutseqataaffigineqalersinnaannera taanna annilaagassutigaarput, Inatsisartut aatsitassanut ataatsimiititaliaani IA sinnerlugu ilaasortaq, Kalistat Lund oqarpoq.

Naaja Nathanielsen maanna politikikkut tunuartussanngortoq oqallinnerni innuttaasut peqataatinneqartarnissaannik

pingaartitsisuusartoq,  naalakkersuisullu siunnersuutaannut qularinnillunilu aamma ilaliinngilluinnarpoq.

- Aatsitassanut politikkerineqarlersoq pillugu, Aatsitassanut Naalakkersuisoq Randi Vestergaard Evaldsen nassuiaateqartariaqarpoq, Naaja Nathanielsen oqarpoq.

Kalistat Lund

Avatangiisinut aatsitassanullu suliassaqarfiit 2012-imi avissaartinneqaraluarput. Inatsilli allannguiffigineqassappat ataatsimuulersinneqassapput.

Avatangiisimut mianerinninnissaq illersuinissarlu pingaaruteqarmat aalajangiinissaq mianersuunneqartariaqartoq, Inatsisartut aatsitassanut ataatsimiititaliaanni ilaasorttaq, (IA) Kalistat Lund isumaqarpoq:

- Aatsitassanut inatsit allanngortinneqassappat taanna mianerisassaavoq, suliassaqarfiillu ataatsimoorteqqinneqarnissaat akuersaarneqarsinnaanngilaq.

Aatsitassanut inatsisissaq pillugu suliniaqatigiiffinnit politikikkullu illuatungiliuttunit isumaqatigineqanngitsoq pillugu,
Aatsitassanut naalakkersuisoq, Randi Vestergaard Evaldsen maanna sulinngiffeqartoq
oqaaseqartissinnaasimanngilarput.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat