Aaqqissuussinerpassuit

Inuiattut Ullorsiornitsinni pisarneq malillugu Kalaallit Nunarput tamakkerlugu assigiinngitsunik aaqqissuussiffiuvoq. Oqalugiarnerit, naalagiarneq, erinarsoqatigiit allallu sinerissatsinni sumiiffinni tamani, ingerlanneqarput.

Namminersornerullutik Oqartussat Kulturikkut nersornaasiinerat Ilulissani Kulturikkut Illorsuarmi, Sermermiuni, ingerlanneqarpoq. Kulturikkut nersornaasiineq Nuup avataani aatsaavissuaq pivoq, nersornaatisisullu tamarmik nipilersornermik, taalliornermik, erinniornermik erinarsornermillu aallutaqarput.

Nersornaaserneqartup aappaa tassaavoq Enok Poulsen, Paamiuneersoq, taanna peqquteqavilluni Ilulissani peqataasinnaasimanngilaq, nersornaatisiaali Paamiuni borgmesterimit tunniunneqassalluni.

Nersornaaserneqartup aappaa tassaavoq Simon Løvstrøm, Mooqqu, Ilulissani najugalik.

Nersornaaserneqartut nunatsinni kulturikkut suliniuteqarsimanertik pissutigalugu nersornaaserneqarput. Nersornaasiisoq tassaalluni Kultureqarnermut Naalakkersuisoq, Doris Jakobsen.

Kujataani malunnaatilimmik aamma pisoqarpoq. Erik Aappalaartup nulia, Tjodhilde, qallunaatsiallumi eqqaaniarneqarput, taannami tassaavoq Kalaallit Nunaanni oqaluffiit siullersaannik sanasoq.

Qassiarsummi oqaluffinnguami inuit 30-t missaat katersuullutik tussiaqatigiipput.

Oqaluffik ukiut tusindit missaasa matuma siorna sananeqarpoq, ukiorlu 2000-mi sanaqqinneqarluni.