Qullissat: Aaqqissuussamik aasarsiortitsinissaq taamaatiinnarneqartoq

Sullorsuarmi, Vaigatimi, qaqqanit ulorianartumik sisoortoqarsinnaaneranik ukioq manna siusinnerusukkut nalunaaruteqartoqarnerata kinguneranik Qullissani aasarsioqatigiittarneq ukiuni 32-ni kingullerni ingerlanneqartarsimasoq taamaatiinnarneqarpoq.

Ilulissani Qullissat Ikinngutaat 1987-miilli Qullissani aasarsiortitsinermik aaqqissuisarpoq. Ukioq mannaanngitsorli.

Peqatigiiffiummi Upalungaarsimanermut Ataatsimiisitaliarsuup Sullorsuarmi, Vaigatimi, qaqqanit ulorianartumik sisoortoqarsinnaaneranik ukioq manna siusinnerusukkut nalunaaruteqarnera pimoorullugu tiguaa.

AAMMA ATUARUK Qullissani aasarsiortoqarnissaa inerteqqutigineqanngilaq

- Ilaasortagut piumagaluarput, uloriananngitsutut ilaatigut utoqqartatta taakkartoraluaraat. Kisiannili uagut uloriagalugu pisimaguvut. Aalajangerniarnerpullu taanna oqimaalaarsimasorujuuvoq, Ilulissani Qullissat Ikinngutaanni siulittaasoq, Nikolaj Gabrielsen, oqarpoq, nangillunilu:

- Tassa utoqqartatta arlallit ammaanersiornissaq piumasarigaluarpaat. Tassanili oqarfigisimavagut allatut ajornartumik aalajangernerput uagut ataqqillugu aamma pisariaqartut. Nalunarmat, ilumut ajutoortoqarpat, taava qanoq kinguneqassava?, Nikolaj Gabrielsen oqarpoq.

Nikolaj Gabrielsenilli ilanngullugu erseqqissaatigivaa Qullissani aasarsiorusuttut mattunneqanngitsut, taamaattorli aasarsiorniartut nammineq akisussaaffigalugu aasarsiorsinnaasut, matumanili Upalungaarsimanermut Ataatsimiisitaliarsuup sillimaniarnissamut innersuussutaanik malinninnissai kaammattuutigalugit. Ingasammik immap pissusaanut alaatsinaannissaat.

AAMMA ATUARUK Saqqap avannaani nuna sisoorpoq

Soorlu aamma Sullorsuami tuperluni unnuisoqassappat, sapinngisamik qatsissumi tupertoqartarnissaa Sillimaniarnermut Ataatsimiisitaliarsuarmit innersuussutigineqarnikuusoq.

AAMMA ATUARUK Qaqqanit sisoortoqarsinnaanera aarlerinaateqartoq uippallernanngilarli

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat