Aalisartut ilinniaqqaartaleqquaat
Aalisarnermut inatsisip nutarternissaa suli naammassinngitsoq suli sukatereqqinnissamut kissaatit nutaat partiit naalakkersuisuutitaqartut saqqummiuppaat.
Inuit Ataqatigiit aamma Demokraatit siunnersuutigaat aalisartutut ilinniarsimasut kisimik siunissami aalisarnermut akuersissummik pissarsisinnaalissasut. Tamanna saqqummerpoq aalisarneq pillugu ataatsimiititaliap isumaliutissiissutaani inatsisartunut saqqummiunneqartumi.
- Aalisarnerup iluani kinguaariit nikittarnerat aqqutigalugu siunissami ilinniarnikkut allagartallit kisimik pisassanik aalisarsinnaanermullu akuersissummik pisinnaassasut matumani ilanngullugu misissorneqartariaqarpoq, Inuit Ataqatigiit aamma Demokraatit kissaateqarput.
Siunnersuut tamanna Siumukkut akerleraat.