Aalisariut Akullersuarmi umiiarmat qimaasut 78-init ikinnerunngitsut ajunaartut
Umiarsuaq Grækenlandip avataani immami Akullersuarmi umiummat, qimaasut 78-init ikinnerunngitsut ajunaarput.
Grækenlandimi sinerissamik nakkutilliisut taama ilisimatitsisut, nutaarsiassaqartitsivik AFP allappoq.
Ajunaartut amerlanerusinnaanerat ernummatigineqarpoq, inuimmi hunnorujulikkuutaat umiarsuarmi ilaammata. Umiarsuaq - aalisariut - Grækenlandip kujasissortaani qeqertaasap Pelopponesip avataani umiuvoq.
Inuit 100-t missaat kingorna annaanneqarsinnaasimapput.
Umiarsuaq qimaasunik ilaasoqarluni Libyamit Italialiartilluni umiuvoq. Ilaasut amerlanerit tassaapput, angutit Afghanistanimeersut Pakistanimeersullu.
Grækenlandip qimaasut pillugit aqutsisoqarfianit tusarfiit ilaata AFP-mut oqarnera naapertorlugu umiarsuaq qimaasunik hunnorujulikkuutaanik ilaasoqarpoq.
Ipillutik ajunaartut 78-init amerlanerusinnaanerat ernummatigineqartoq, Naalagaaffiit Peqatigiit qimaasut pillugit aqutsisoqarfiat IOM uppernarsaavoq.
- Ujaasisut annaassiniartartullu sulinertik nangippaat, amerlanerusullu ajunaarsimanissaat ernummatigaarput. Inuit 400-t pallillugit umiarsuarmut ilaasut maannamut nalunaarutigineqartut takutippaat, IOM Twitterikkut ilaatigut allappoq.
