Aalborgimi Jomfru Ane Gade. Assi: Henning Bagger/Ritzau Scanpix

Aalborgimi kalaallit imigassamik ajornartorsiutillit kalaallisut oqaasilinnit katsorsartissinnaalissasut

Aalborgimi kalaallit imigassamik ajornartorsiutillit kalaallisut oqaasilinnit katsorsartinnissaminnut neqeroorfigineqarsinnaalissapput.

Tamanna pisinnaalerpoq Danmarkimi isumaginninnermut aqutsisoqarfik Aalborg Kommunemut aammalu Aalborgimi Kalaallit Illuutaannut 4,4 million koruuninik anigaasaliinerata kingorna.

Kalaallisut innuttaassuseqartut danskisut innuttaassuseqartut assigalugit imigassamut katsorsartissinnaapput. Misilitakkalli takutippaat, kalaallit danmarkimiittut katsorsartinniarunik kalaallisut oqaatsit, kulturiat inuttullu ataasiakkaatut inissisimanerat eqqarsaatigineqartariaqartut.

AAMMA ATUARUK Aangajaarniutit pillugit katsorsartittut amerliartuinnavittut

Katsorsaasartunillu kalaallisut oqaasilinnik katsorsarneqartalissapput.

- Kalaallit Illuutaanni Aalborgimiittumi suliniutit ukiuni arlaqartuni aallartissimasatta takutippaat suliniutit inuk qitiutillugu, kinaassuseq kulturilu pingaartillugit annerpaamik pissarsinarnerusoq, Aalborgimi Kalaallit Illuutaanni pisortaq Bo Albrechtsen ataatsimut oqaaseqaammi oqarpoq.

Neqeroorut ikinnerpaamik inunnut 75-nut ukiumut katsorsartinnissaannut atuuttoq, Aalborg Kommune paasissutissiivoq.

Danmarkimi isumaginninnermut aqutsisoqarfiup aningaasaliissutai 2024-ip naanissaannut atuupput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl