Politikki

Aaja Folketingimut qinigassanngorteqqinniartoq

Folketingimut ilaasortap Inuit Ataqatigiinneersup, Aaja Chemnitz Larsenip, Christiansborgimi sulinini ingerlateqqikkullugu KNR-imut oqaatigaa.

Allattoq Helle Nørrelund Sørensen

aggustip 28-at 2018 13:51

Nutserisoq Simon Uldum

Folketingimut qaammatit qulingiluat affarlu qaangiuppata kingusinnerpaamik qinersisoqartussaavoq, Aaja Chemnitz Larsenillu qinigassanngorteqqikkusulluni ilisimatitsissutigaa.

Politikeri Inuit Ataqatigiinneersoq 2.540-nit taaguunneqarluni 2015-imi qinigaavoq Inatsisartunilu ilaasortaaffimminit sulinngiffeqalerluni.

AAMMA ATUARUK Inuit Ataqatigiit vil ikke pege på statsministerkandidat

Aaja Chemnitz Larsen Folketingimi sulinini aallunneruniarlugu Inatsisartunut upernaaq qinersisoqarmat qinigassanngorteqqinngilaq. Qinigaassagunilu suliani taanna ingerlateqqikkusullugu KNR-imut oqaatigaa.

Inuit Ataqatigiilli Folketingimut sassartitassaminnik pisortatigoortumik suli toqqaanngillat.

Folketingimut qinersineq kingusinnerpaamik aappaagu juunip 17-iani pissaaq. Ministeriunerulli Lars Løkke Rasmussenip qanittukkut nalunaarutigaa ukioq manna qinersinissamik suaaruteqartoqarnissaa ilimaginagu.

AAMMA ATUARUK Aleqa Inatsisartuniililersoq

Aaja Folketingimut qinigassanngorteqqinniartoq

Aamma atuaruk