Aaja Chemnitzip hashimik eqqussuiffinni scannerit amerlisikkusukkai
Hashimik ajornartorsiutit unitsinnniarlugit Inuit Ataqatigiit Folketingi aqqutigalugu suliniutit arlallit aallartinniarpaat.
Aaja Chemnitz tusagassiutinut nalunaarummi taama ilaatigut allappoq.
- Nunatsinni haship atugaanera annertoqaaq, isertitaasartullu nalunaarsorneqanngisaannartut annertoqalutik, Aaja Chemnitz allappoq, nangillunilu:
Qineqqusaartut nunatsinneersut:
Naleraq:
Kiista Fencker
Juno Berthelsen
Hans Enoksen
Atassut
Aviaq Kleist
Arnánguak Jeremiassen
Siumut
Aki-Matilda Høegh-Dam
Markus E. Olsen
Karina Zeeb
Elvira Kuitse
Demokraatit
Anna Wangenheim
Justus Hansen
Inuit Ataqatigiit
Aaja Chemnitz
Arnâránguak Inusugtok Rohde
Aqqalukkuluk Fontain
Attaviitsoq
Tillie Martinussen
- Ilutigisaanik hashimik atornerluineq inuusuttatta amerlasuut annaaneqartarnerannut pissutaaqataavoq. Kinguaariit inuusunnerusut annaasariaqanngilagut. Inuusuttagut arlallit hashimik pinngitsuuisinnaajunnaartarput, ilinniarnertillu naammassisarnagu suliffittaanngitsoortarlutilluunniit.
Nunatsinni 15-it 24-llu akornanni ukiullit tallimararterutaasa missaat hashimik akuttunngitsumik atuisuusut, innuttaasut peqqissusaannik 2018-imi misissuinerup aamma takutippaa.
IA: Hashi Danmarkimiit eqqunneqartarpoq
Hashi Danmarkimiit eqqussuunneqartartoq ilisimaneqartoq, Aaja Chemnitzip oqaatigaa.
Taamaammat Danmarkip naalagaaffiata hashimik Danmarkimiit annissuineq unitsinniarlugu suliniutit annertusartariaqarai Inuit Ataqatigiit isumaqarput.
- Siullertut ilanngaaserisutut oqartussat Kalaallit Nunaata oqartussaaffigisai politiillu scannerit amerlinissaat pillugit suleqatigiittariaqarput, minnerpaamik Nuummi Ilulissanilu, hashimik eqqussuiffiusuni, aammali illoqarfinni allani. Inuit amerlasuut hashimik timmisartukkut nassiussatigulluunniit anngiortumik eqqussuisarput. Danmarkimiit nassiussat aqqutigalugit hashimik eqqussisarneq unitsinniarlugu suliniutit pingaarnerutinneqartariaqarput, Aaja Chemnitz tusagassiutinut nalunaarummi oqarpoq.
AAMMA ATUARUK Folketingimut qinersineq: Løkkep ministeriuninngorsinnaanissaa Inuit Ataqatigiit mattutinngikkaat
Parteeqataa, Kommune Kujallermi borgmesteri Stine Egede isumaqarpoq kujataa hashimik anngiortumik eqquissuiffittut ammaannartunngorsimasoq.
Umiarsuit, kilisaatit, tissiartaatillugu nakkutigineqaratik tikittartut taanna oqarpoq.
Taamaammat hashi pillugu ajornartorsiutit naalakkersuisut iliuuseqarfigisariaqaraat Stine Egede isumaqarpoq:
- Utaqqiinnaraluarutta ajornartorsiut milliartornavianngilaq, aamma eqqussiueriaatsit ineriartortuaannarput. Misissuinerinnarni allakkerivimmi ilanngaaserisutut pisinnaatitaaffillit amigarput, tamaasa malinnaafigisinnaanngilaat kisimiillutik, Stine Egede KNR-imut ukioq manna septembarip ulluisa 19-ianni oqarpoq.
97 kiilu arsaarinnissutigineqartoq
Haship eqqussuunneqarnerata akiorniarneqarnissaata pingaarnerutinneqarnissaa Inuit Ataqatigiit isumaqarput, taasungalu aningaasanik immikkoortitsisoqartariaqarnerarlugu.
Ikaroornartumik nunatsinnut eqqusseriaraluartut maannamut 42-t ukioq manna tigusarineqarsimapput, taakkunannga amerlanersaat hashimik eqqusseriaraluartuullutik. Siornamut naleqqiullugu pingasoriaammik amerlisimapput.
AAMMA ATUARUK Eqqusseriartut amerlanerusut tigusarineqartut: Hashi ajornartorsiutaasoq
Hashi 97,4 kiilu ukioq manna maannamut arsaarinnissutigineqarpoq. Ukiunut kingullernut tallimanut agguaqatigiissillugit taakku amerlanerujussuupput, tassami ukiumut agguaqatigiissillugit 64 kiilut eqqussoriaraluarneqartut arsaarinnissutaasarsimammata.