46-nik ukiulik toqutsimasutut unnerluussaq ullumi eqqartuussivilersuunneqalissasoq
Angut 46-nik ukiulik angummik 58-inik ukiulimmik Arsummi aggusti 2022-mi toqutsisimasutut unnerluunneqartoq ullumi eqqartuussivilersuunneqalissaaq.
Angut toqungasoq nunami ullaakkut nassaarineqarmat angut unnerluunneqartoq aqaguani tigusaruneqarpoq.
Angut ippassaammat unnukkut nal. 22.20 toqunneqarsimasoq unnerluussissummi allaqqavoq, unnerluunneqartullu angut niaquagut guitarimik anaareeramiuk tigoriarlugu matu silarlermiit majuartarfinnut ajassimavaa.
Unnerluunneqartup angut tigoqqeriarlugu majuartarfitsigut ajaqqissimavaa nunamut nakkartillugu, nakkaramilu qungasia napivoq qaratsaminilu imaruaninnini toqqutigalugu.
Eqqartuussineq pilersaarutit malillugit ulluni pingasuni tullittuni ingerlanneqassaaq sisamanngorpallu juunip 29-ni naammassineqassangatinneqarluni.