Narsami aallaasersortoqartoq: 20-nik ukiulik ulluni 28-ni tigummigallagassanngortinneqarpoq

Eqqartuussiveqarfik Kujallermi Qaqortumiittumi Narsami aallaasersortoqarneranut atatillugu sisamanngornermi aalajangerput, aallaasersortoq ulluni 28-ni tigummigallarneqassasoq aammalu misissueqqissaarneq nanginneqassasoq.

Allattoq Steve Pedersen Hinrup

marsip 23-at 2023 17:38

Angutip 20-nik ukiullip Narsami aallaasersorsimanera pillugu politiit tigusaraat, taanna sisamanngornermi nalunaaqutaq pingasunut Eqqartuussisoqarfik Kujallermi eqqartuunneqarpoq.

Eqqartuussisoq aalajangerpoq angut pineqartoq ulluni 28-ni tigummigallarneqassasoq.

Kalaallit Nunaanni politiit pigaartuisa ittuat Palle Augustinussen KNR-mut taama uppernarsaavoq.

Unnerluussisussaatitaasut eqqartuussinerup matoqqalluinnartumik ingerlanneqarnissaanik eqqartuussisumut qinnuteqarsimapput, taamaammat eqqartuussinermi susoqarsimanera qanorlu tigusarinnittoqassanera pillugu KNR-ip paasissutissiissutigisinnaanngilaa.

Matoqqalluinnartumik eqqartuussinerup ingerlanneqarnissaa isumaqarpoq eqqartuussineq tamanut matoqqasoq, taamaammat 20-nik ukiullip qanoq eqqartuunneqarnera unnerluutigineqarneralu arlaannaataluunniit ilisimasinnaanngilaa.

Inuit marluk aallaaneqarput

Narsami pingasunngornermi ualikkut aallaasersortoqarpoq.

20-nimmi ukiulik qulimiguulik meqqammitsiartorlu tungaanut eqqalerpoq, inuillu marluk eqqorlugit.

Aqerlut arlaannut aseruisut tunnerisa kingorna inuit pingasut aamma ikiligaapput.

Aamma atuaruk Politi: Angut 20-nik ukiulik pinerluttuuvoq

Inuillu pineqartut tamarmik inuunerminnik ulorianartorsiunngitsut, politiit erseqqissaapput.

Pingasunngornermi nalunaaqutaq tallimanut tanneq qulit politiit Narsami aallaasersortoqarneranik kalerrinneqarput. Akunnerullu affaa qaangiummat angut 20-nik ukiulik tigusarisimagitsik politiit nalunaarutigaat.

Kalaallit Nunaanni Politiit misissuineq aallarteruttorpaat, Danmarkimiillu pinerluttoqarsimatillugu misissuisartunik aamma ikiorserneqassallutik.