19-inik ukiulik Qaqortumi toqutsisimasutut pasineqarpoq

Qaqortumi angut 19-inik ukiulik angummik 67-inik ukiulimmik toqutsisimasutut pasineqarluni tigusarineqarpoq.
Assi © : KNR
Allattoq Johannes Baunsgaard , Marie Kûitse Kristensen
juunip 28-at 2020 12:10

Qaqortumi angut 19-inik ukiulik toqutsisimatut pasineqarluni sapaatip akunnerini sisamanik tigummigallagassanngortinneqarpoq. Kalaallit Nunaata politiivisa pigaartuat, Aqqaluk Petersen KNR-imut taama paasissutissiivoq.

AAMMA ATUARUK Mand fundet dræbt i Qaqortoq

Qaqortumi inissiami Majavejimi peqqarniitsumik persuttaasoqarsimasoq, politiit tallimanngornermi unnuap qeqqanut tanneq qulingiluanngortoq nalunaarfigineqarput. Politiit inissiamut apuummata angut 67-inik ukiulik toqungasoq siumorneqarpoq.

Pisumut tunngatillugu pasineqartoq tigusarineqartoq politiit ilisimatitsipput. Ippassarlu arfininngornermi eqqartuussivimmi killisiorneqarluni sassartinneqareerluni toqutsisimasutut pasineqarpoq.

Aqqaluk Petersenip KNR-imut oqarnera naapertorlugu angut 19-inik ukiulik pasineqarnerminut qanoq isumaqarnersoq suli paasineqanngilaq.

 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk