Politiit ullormut nalunaarutaat: 17-inik ukiulik tillinniaraluartilluni qalianiit ilummut nakkarpoq

Nuummi politiit Nuuk Centerimut sisamanngornermut unnuaani tillinniartoqarneranut atatillugu ornigupput. Nukappiaraq 17-inik ukiulik illup qaliaanit natermut nakkarsimasoq tassani siumorpaat, Kalaallit Nunaanni Politiit pigaartuisa pisortaat Jeppe Andsager KNR-imut oqarpoq.

- Nukappiaraq ambulancinik nappparsimmaviliaanneqarpoq, ajoqusersimallunilu. Ajoqusernerit suussusaat politiit oqaaseqarfigisinnaanngikkallarpaat, Jeppe Andsager oqarpoq.

Politiit tillinniartoqarnera pillugu tamanna pillugu itinerusumik aamma oqaaseqarsinnaanngillat. 17-inilli ukiullip kisimiilluni tillinniartuusimanissaa politiit ilimaginngilaat.

- Illup qalianiittunik allanik tusaasaqarsinnaasimapput, taamaammat allanik aamma tillinniartoqarsimanissaa nalunngilarput, Jeppe Andsager oqarpoq.

Tillinniartoqarnera sisamanngornermut unnuaani nalunaaqutaq pingasunut qiteqqusimatsiaannartoq nalunaarutigineqarpoq, kikkullu tillinniartuusimanerannik politiit misissuinerminni ilisimannittussarsiorput.

Tillinniarnerpassuit

Kalaallit Nunaanni Politiit tillinniarnernut unnuat tulleriit pingasut ornigupput. Nuummi politiit Nuukullammi tillinniarnernut pingasunut marlunngornermut unnuaani orniguppput, Qaqortumilu politiit inuusuttut ornittagaanni tillinniarnernut marlunnut pingasunngornermut unnuaani ornigussimallutik.

Kikkut pingasungornermut unnuaani kikkut tillinniartuunersut ilisimavaat, Qaqortumili tillinniarnernut ilisimannittussarsiorput, paasissutissanillu ujartuillutik.

Paasissutissaateqaruit politiit misissuinerannut atorneqarsinnaasut, Kalaallit Nunaanni Politiinut saaffiginnissinnaavuti. Kalaallit Nunaanni Politiit oqarasuaatasa normoraat 70 14 48.