Dinosaurit pillugit Tunumi ilisimasassarsiortoqassaaq
Ilisimasassarsiornermi assaaneq 2012-imi aallartinneqarsimasoq nanginneqassaaq. Assaanermi tassani nassaarineqarsimasut dinosaurit saarngi ujaranngornikut assissaqanngitsut Nunatsinneersut kingorna Geocenter Møns Klintimi saqqummersinneqarsimapput.
Dagbladet Køge taama allaaserisaqarpoq.
Aamma atuaruk Tunumi dinosaurersuarnik nassaartoqarpoq
Ilisimasassarsiornermi nassaarineqarput amiakkut phytosaurenit sisamaneersut - taanna tassaavoq kuukkooriarsuit siuliat - kiisalu rovdinosaurip amiakkui nassaarineqarsimallutik.
Uumasut taakku sisamat tassaapput ukiuni Trias-inik taaneqartartut nalaanneersut - imaappoq ukiut 240 millionit matuma siorna.
Phytosaure maanna Geocenter Møns Klintimi saqqummersinneqarpoq, neriuutigineqarporli saanikut sisamat sinnikui assallugit kaanngartinneqarnissaat, taamaalillunilu aatsaavissuaq phytosaurip saanikui tamakkerlugit takutinneqarsinnaalissallutik.
Uumasut sisamat sinnikui piffimmi ataatsimi nassaarineqarput, sisamaallutillu sapaatip akunnerata ataatsip ingerlanerani toqusimasut, ilisimasassarsiornermi aqutsioq katersugaasivimmi sulisoq Jesper Milán Geomuseum Faxemeersoq oqarpoq.
Aamma atuaruk Tunumi dinosauit saarnginik ujaasilersut
Qanorli ilillutik toqorarsimanersut paasisassaanngilaq.
- Imaassinnaavoq uumasorsuit arlaat taseqqamit marullulimmit nikeriaqqissinnaajunnaarsimasoq, ilaasa neriniarlugu ornigarsimagaat taamaalillutillu namminneq aamma nikeriaqqissinnaajunnaarsimallutik, Jesper Milán aviisimut oqaluttuarpoq.
- Toqorartoqarsimanera pillugu Jameson Landimi "pinerluttorsiortutut" paasiniaasuusisoqassasoq aqutsioq ilanngullugu oqarpoq.
Assaanermi ujaranngornikunik ukioq manna piiarneqartussat, kingorna Tysklandimiittumut Hannoverimut nassiunneqassapput tassanilu immikkut ilinniarsimasumit aanaveersarneqassallutik.
Tamatuma kingorna dinosaurinik saqqummersitsinermut annertusisamut ilanngunneqapput, saqqummersitsisarfiup maajimi 2017-imi ukiunik qulinngortorsiornissaanut.
llunilu atuaasuuvoq Erna Lynge
