Tunumi dinosaurersuarnik nassaartoqarpoq
Ilisimatuullu, nunanit arlalinneersuusut, tikinniutaa pissanganartunik nassaartortut, Horsens Folkebladimit allaaserineqarpoq.
Assannermilu nassaat ilagaat uumasoq kuukkooriarsuartut ittoq, phytosaur.
- Uumasuni Kalaallit Nunaanni nassaarineqartartuni taanna nutaarluinnaavoq. Taamaammat soorunami nipituuliuutigaarput, ilisimatusarnermimi soqutiginartorujussuuvoq, suliamik aqutsisoq Nadia Rosendal Nielsen, oqarpoq.
"Umasupilussuaq" meterinik tallimanik takissuseqarpoq. Phytosaurerne takisuumik siggoqarsimapput illersutaasinnaasumillu issusuumik ameqarlutik.
Uumasut taamaattut kigutaat arfineq pingasut, kinguaavini sarngit, siuaavini saarngit, kiasik ataaseq taavalu alleroq, kuukkoriarsuup alleruanut assingusoq, 63 cenmtimeterisut takitigisoq maannamut nassaarineqareerput.
Nunatta ukiut 200 millionit 250 millionillu akornanni qaangiuttut maannakkut Afrikap avannaa-tungerisaa kujaseqatigaa. Nunarpullu avannarpartitersimavoq, nunanilu kiattuni uumasut dinosaurit nalaanni uumasuusut pisataat nassatarisimallugit.
- Nerlerit Inaat taamanersuarnitsanik nassaarfissaaqisoq siusinnerusukkut uppernarsereerparput, Nadia Rosendal Nielsen oqarpoq.
- Aamma rovdinosaurit tumaat 30 meterinngorlutik tulleriiiaat nassaarinikuuagut, takuneqarsinnaalluni dinosaurit arlaliullutik sanileriiaarlutik pangalissimasut. Allaat soorluluunniit ippassaq sanioqqussimasut. Kisianni tassa ukiut nikingassutit 210 milliuuniupput. Pikkunaqaaq, Nadia Rosendal Nielsen Horsens Folkebladimut oqarpoq.
Ilisimasassarsiornermi nassaat GeoCentret Møn Klintip aappaagu immikkut saqqummersitsinissaani takuniarneqarsinnaassapput.