Ilulissani akunnittarfik Hotel Icefiord eqqugaasut ilagaat.Foto: Hotel Icefiord

Coronap ajornartoortitsinera akunnittarfinni unnuisunut ikilisitserujussuartoq

Nunatsinni illoqarfinni takornariaqarnerpaasartut ilaanni Ilulissani akunnittarfinni unnuisut siornamut sanilliullugit affaannaapput.

Kisitsisit akunnittarfinni unnuisimasunut tunngasut kingulliit Nunatta Naatsorsueqqissaartarfiata saqqummiussai takullugit akunnittarfiuteqartuulluni qiimmaallaataasimanavianngillat.

Nunatsinni akunnittarfinni ukioq manna unnuisimasut siornamut sanilliullugit affaannaapput.

Akunnittarfinni unnuisimasut januaarip qaammataaniit septembari ilanngullugu 2019-imi piffissamut tassunga sanilliukkaanni procentinik 41,3-nik ikileriarsimapput.

Akunnittarfinni unnuisut ikilerujussuartut

Ukioq manna qaammatini qulingiluat ingerlaneranni unnuisimasut 44.944-usimapput. Unnuinerit 128.569-iusimasut, taakku akunnittarfinnit, vandrehjemminit unnuisarfinniillu allanit 51-iusuni.

Tamanna 2019-imi piffissamut pineqartumut sanilliullugu 50,1 procentinik ikileriarneruvoq.

Ilulissani appariaat 52,0 procentiulluni annertunerpaavoq.

Tusarfik: Kalaallit Nunaanni Naatsorsueqqissaartarfik

Ilulissani ajornerpaavoq. Ilulissani akunnittarfinni 2020-mi qaammatini qulingiluani unnuisut siorna piffissamut tassunga sanilliukkaanni 52 procentinik ikinnerupput.

Pissutsit taamaannerinut coronavirusip ajornartoortitsineranik pissuteqartoq Ilulissani akunnittarfimmi Hotel Icefiordimi pisortaq Anders Gadeberg oqarpoq.

Taakkuami kaaviaartitaat affaannanngorsimapput.

LÆS OGSÅ Antallet af hotelovernatninger styrtdykker

- Unnuisut, kaaviaartitagut aaqqissuuttakkatsigullu allatigut isertitagut ikilerujussuarput, Anders Gadeberg oqarpoq, nangipporlu:

- Illoqarfimmut tamarmut nunalumi tamakkerlugu takornarialerisunut ukioq ajorluinnarpoq,

2021-p ajunnginnerunissaa angallannermullu killilersuutit oqartussanit qasukkarneqarsimanissaa taassuma neriutigaa.

Akunnittarfik aqullaartoq

Nuummi akunnittarfik nutaaq, Hotel Hans Egede A/S-imit pigineqartoq HHE Express, coronavirusip ajornartoortitsineranit aamma eqqugaavoq.

Akunnittarfik nutaaq qaammatip aappaa avillugu ammatereerlugu novembarip 13-iani qaqugumuunersoq matusariaqarsimagitsik pisortaq oqarpoq. Matunerani sulisut sisamat soraarsinneqarput.

- HHE Expressip maannaagallaq ammatiinnarnissaanut tunngavissaqanngitsoq paasivarput, Jørgen Bay-Kastrup oqarpoq.

LÆS OGSÅ Turistråd i Ilulissat: Ingen gider starte ferien med hjemmekarantæne

HHE Express marsip aallaqqaataani ammaqqissinnaassasoq taanna neriuppoq qularlunili. Pisortat angallannermut killilersuinermut isersimaannarallarnissamillu kaammattuutiminnik qasukkaassannersut apeqqutaavoq.

Hotel Hans Egedemi sulisut suliffimmik annaanissaat ernummatigigaat pisortaq oqarpoq.

- Soorunalimi nikallungapput, suliffeqaannarnissartik qularutigigamikku. Naluarpummi qanoq sivisutigisumik pissutsit imaassanersut, Jørgen Bay-Kastrup oqarpoq.

Kommentarer

inatsisartut-sal-sep2019.jpg

Inatsisartuts Efterårssamling



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt