-Soorunami nuannaajallappunga, inuillu aamma angalaqataarusullutik uannut allallutik saaffiginnillattaapput, Ivik Ostermann oqarpoq. Foto: Greenland Cruises

Naalakkersuisoqarfiup Greenland Cruisesip nannunnik takornariarnissaa akuerigaa

Aalisarnermut, Piniarnermut Nunalerinermullu Naalakkersuisoqarfik nannunnik takornariartoqarnissaanik akuersivoq.

-Naalakkersuisoqarfimmut inunnik nunaqarfimmut niusiartorsinnaanerlunga apeqqutigaara. Tamanna naalakkersuisoqarfimmit akuerineqarpoq.

Taama Greenland Cruisesimik piginnittoq Ivik Ostermann oqarpoq.

Taanna nannunnik pingasunik nunaqarfimmut Qeqertarsuatsiaanut takornariartitsinissaminut akuerisaavoq.

LÆS OGSÅ Grønlandsk turistselskab tilbyder isbjørne-safari til Qeqertarsuatsiaat

-Nannut taakku toqqaannartumik malersornavianngikkipput imaluunniit angallammik qanillattornavianngikkipput naalakkersuisoqarfimmut erseqqissaatigaara, ilaasullu nunaqarfimmut nioriarlugit akunnerit marluk qaangiuppata Nuummut uteqqissasugut erseqqissaatigalugu. Tamanna naalakkersuisoqarfimmit ajorinngilaat, Ivik Ostermann oqarpoq. 

Naalakkersuisoqarfimmit angalaaqataanissamut qujaannartut

Greenland Cruisesiminngaanniit Ivik Ostermann Qeqertarsuatsiaap kujataata nuuanut aqagu nalunaaqutaq arfineq-pingasunut angalassamaarpoq.

Namminersorlutik Oqartussat naapertorlugu nannut ajoqusersorneqaqqusaannginnerinik tunngatillugu inatsimmi nannut qanillattorneqaqqusanngitsut assigisaanilluunniit ajoqusersorneqaqqusaanngitsut allaqqavoq.

LÆS OGSÅ Selvstyret til turistoperatør: Lad være med at forstyrre isbjørnene eller kommunefogeden

Taamaammat angalanissap aaqqissuunneqarsinnaanera qularineqangaatsiaraluarpoq.

Taamaammat Ivik Ostermannip tamanna qulakkeerniarlugu naalakkersuisoqarfiup nannunnik takornariartitsinissamik qaaqqusivoq.

- Qujaannarput, Ivik Ostermann oqarpoq. 

Nannut allamukarsimassappata angalanissaq unitsinneqassasoq

Ivik Ostermannilli nannunnik takornariartitsinissaminik akuersissummik tunineqarnini nuannaarutigaa.

-Soorunami nuannaajallappunga, inuillu aamma angalaqataarusullutik uannut allallutik saaffiginnillattaapput.

Angalanissaq akunnernik sisamanik sivisussuseqassaaq, Ivik Ostermannillu aallannginnerminni nannut suli taakaniinnersut paasiniarlugu Qeqertarsuatsiaanut sianeqqaassamaarpoq.

Taanna inunnik 25-nik amerlassuseqartunik angalanissamut peqataarusuttunik saaffigineqareerpoq.

Taassumali nannunnik takusoqarnissaanik qulakkeerinnissinnaanngilaq.

-Inuit nannunnik takussanersut qulakkeersinnaanngilarput. Nannut suli taakkaniinnerinik paasiniaalluta nunaqarfimmi innuttaasunut sianerluta paasiniaajumaarpugut. Allamukarsimassappatalu angalaqataasussanut angalanissap unitsiinnarneqarneranik kalerriiumaarluni, Ivik Ostermannip oqaatigaa.

LÆS OGSÅ Isbjørne er tilbage ved Qeqertarsuatsiaat

Nanoqassappalli angalatitsiniarluni eqqarsarpoq.

-Tamanna aqagu iluatsissappat sapaatip akunnerata tulliani aamma misileeqqikkumaarpugut. Qanorli pisoqassanersoq piffissap takutikkumaaraa, Ivik Ostermann oqarpoq.

Nannut pingasut nunaqarfimmut pingasunngormat ullaap tungaa takkupput. Nunaqarfimmilu innuttaasut aallaammik seqqorlutik nannut pingasut qimaasinnissaat nalunaaqutap ataatsip missaani iluatsissimavaat – marlunngormalli takkuteqqissimapput. Innuttaasullu aallaasertik atorlugit ungasillisaqqippaat. Nannulli taakku pingasut nunaqarfimmut pingasunngornermi ullaap tungaa qanilleqqipput. Innuttaasullu nannut ungasillisaqqikkamikkit ualisoq iluatseqqippaat.

Kommentarer



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt