Foto: MIO

Meeqqat Illersuisuata isornartorsiuineq akerlilerpaa

Qaasuitsup Kommuniata Meeqqat Illersuata nalunaarusiaa sakkortuumik illuatungilerpaa, sulinermi sakkussatut piukkunnartutut isiginagu. Sakkussiaanani suaartarnerusoq, Meeqqat Illersuisuat akivoq.

Meeqqat Illersuisuata ilisimaleriikkatsitut erseqqissarpaa, Qaasuitsup Kommuniani angalanermini nunaqarfinni sumiginnaasoqaqisoq takusaqarsimallugu.

Kommunimili tassani isornartorsiut akueriinnarnianngilaat. Kommunip pisortaata Hans Eriksenip tusagassiuutinut allalluni Meeqqat Illersuisuat appisaluuppaa.

Kommunip nalunaarusiaq sakkortuumik illuatungilerpaa, sulinermi sakkussatut piukkunnartutut isiginagu.

 

Meeqqat Illersuisuata suliassaraa

Meeqqalli Illersuisuat akivoq. Una suaartarneruvoq sakkussiaanani. Taamaaliornerlu Meeqqat Illersuisuata arlaannaannulluunniit pituttorsimanani inissisimanermini suliassarigaa, Meeqqat Illersuisuat Aviâja Egede Lynge oqarpoq.

- Uagut angalanitsinni innuttaasunit, meeqqanit angajullernillu saaffigineqarpugut erloqinartunik, taakkulu pisusaaffigalu aallavigalugu qisuariarfigaagut, Meeqqat Illersuisuat, Aviâja Egede Lynge, KNR-imut oqarpoq.

Erseqqisarlugulu, angalanermit nalunaarusiartik ernumassuteqarnermik allaaseerisatut isigisariaqartoq. Tamaalilluni kommuni misissueqqissaarsinnaaniassammat.

Aamma atuaruk Meeqqat illersuisuat: - Meeqqat illersornissaannut iliuutsivut annikippallaarput

Aamma atuaruk Meeqqat Illersuisuat: Meeqqat pisinnaatitaaffii unioqqutinneqarput

Qaasuitsup Kommunianili isumaginninnermut pisortap, Henrik Solóyip, nunaqarfiit ajornartorsiuteqarfiusut aqqi imminnut tunniunneqarsimanngimmata naammagittaalliutigaa.

Nakkutilliineq

Meeqqanik inuusuttunillu ikiorsiisarneq pillugu Inatsisartut peqqussutaat nr. 1

§ 4. Meeqqat inuunerminni atugarisaannik kommunalbestyrelsi nakkutilliissaaq. Nakkutilliineq eqeersimaartumik akuliunnikkullu ingerlanneqassaaq, taamaalilluni meeqqamik immikkut tapersersorneqarnissamik pisariaqartitsisumik sapinngisamik siusinnerpaamik kommuni ilisimaarinnilerluni.

- Ilaatigut nunaqarfik ataaseq pineqarpoq, unnia tassaniittut aningaasaatitik immeraassutigalugit nunguttaraat. Kisianni nunaqarfik sorlerpiaanersoq uatsinnut paasissutissiissutigineqanngilaq, Henrik Solóy KNR-imut oqarpoq.

Kommunerujussaq tamaat angalaffigalugu maanna misissuiffigisariaqaleritsik taanna oqaluttuarpoq.

 

Nunaqarfiit aqqi nalunaarutigineqarput

Tamannali Meeqqat Illersuisuata ilumuunnginnerarpaa.

Kommunimummi nalunaarusiami ilaapput nunaqarfiit, suliassaqartut nunaqarfiillu ilaat immikkut sammineqartut, 13-it aqqi.

- Una nalunaarusiaq, Qaasuitsup Kommuniata tigunikuusaa. Tassani allassimavoq nunaqarfiit immikkut marluk suut pineqarnersut, Aviâja Egede Lynge oqarpoq.

 

Nakkutilliinerunngilaq

Meeqqat Illersuisuatalu erseqqissaatigaa angalanermi nalunaarusiaq nakkutilliinerunngimmat, eqqasuuteqarnermilli allaaserisaalluni. Tassami nakkutilliineq kommunalbestyrelsep isumagisussaavaa. Tamannalu sulinikkut ujartuinikkullu inatsisit malillugit ingerlanneqartussaavoq.

Qaasuitsup Kommuniani aamma nassuerput akisussaaffiup kivinnissaanut ajornartorsiuteqarlutik.

Aamma atuaruk MIO-p isornartorsiuinera Svanep akueraa

- Arlalippassuartigut suliaqarsinnaagaluarpugut, ammasumilli oqaatigisariaqarparput aningaasat aamma apeqqutaammata. Sammisarli eqiingaffigisorujussuuarput, suliassallu akornanni meeqqanut isumaginninneq siullernut ilaatillugu, isumaginninnermut pisortaq Henrik Solóy oqarpoq.



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Flyinformation ankomst/afgang

TTV s 350 TV oversigt

TTV s 610 Radio oversigt