VIDEO MIO-p isornartorsiuinera Svanep akueraa

Meeqqat Inuusuttullu Oqaloqatigiinnittarfiata Qaasuitsup Kommuniata meeqqat pisinnaatitaaffiinik unioqqutitsineranik takunnissimanera Qaasuitsup Kommuniani iliuuseqarnissamik kinguneqalerpoq.

Qaasuitsup Kommuniani kommunalbestyrelsip immikkut ittumik ataatsimiigiaqquneqarnissaa borgmesterip tulliata Jess Svanep (S) borgmesterimut Ole Dorphimut (S) allagaqarluni massakkut noqqaassutigaa.

- Uanilu uparuaatigineqartut soorunami taakku aallaavigalugit kommunalbestyrelsip eqqartuinissaa naatsorsuutigaara, Jess Svane KNR-imut oqarpoq.

Aamma atuaruk VIDEO Jess Svanep MIOp isornartorsiuinera akerlilerpaa

Meeqqanut inuusuttunullu sullissinerup qanoq pitsanngorsarneqarnissaa kommunalbestyrelsimiillu iliuuseqarfigineqarnissaa oqaluuserineqarnissaalu borgmesterip tulliata siulliup pisariaqarsoraa.

- Suleqatigut peqatigalugit taakkua taajorneqartut aallaavigalugit oqallikkutta takussuarput qanoq ililluta allanngortitsisariaqarnersugut, qanoq pingaarnersiuinerput allanngortitariaqarnerlugu, Jess Svane oqarpoq.

Aamma atuaruk Meeqqat Illersuisuat: Meeqqat pisinnaatitaaffii unioqqutitsinneqarput

Nunaqarfinnilu meeqqanut atugassaritinneqartut pillugit inersimasut kommunimut nalunaaruteqarsimagaluaraangataluunniit qisuariartoqartarsimannginnera MIO-mit oqaatigineqartoq aamma iliuuseqarfigineqarnissaa noqqaassutigineqalerpoq.

- Saaffiginninnerit amerlaqaat allattoqarfimmut borgmestereqarfimmullu, saaffiginnissutit akineqarneq ajortut imaluunniit qisuariarfigineqarneq ajortut ataavartumik saaffiginnissutaasarneri tassunga killeqartariaqarpoq, Qaasuitsup Kommuniani borgmesteriugallartoq Jess Svane taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat