Assi: KNR/Jonas Løvschall-Wedel

Meeqqat illersuisuat: - Meeqqat illersornissaannut iliuutsivut annikippallaarput

Meeqqat 15-nit inorlugit ukiullit atoqateqarsimasut affai atornerlugaasimasarput. Meeqqat illersuisuata kisitsisit qaffasinnerujussuat akuersaarsinaanngilaa, pinaveersaartitsinikkullu iliuuserineqartartullu sunniuteqarluassappata allannguisoqartariaqartoq oqarluni.

Nunatsinni kinguaassiuutitigut pinngitsaaliisoqarneranit nalunaarutit innuttaasut amerlassusaannut naleqqiullugu nunarsuarmi amerlanerpaapput.

Nalunaarsukkallu takutippaat, nunatsinni pingitsaaliinerit nalunaarutigineqartartut Danmarkimi kisitsisinut naleqqiullugit 39-riaammik amerlanerusut, innuttaasut amerlassusaannut sanilliukkaanni.

Aamma atuaruk Nunatsinni pinngitsaaliinerit nunarsuarmi amerlanersaasut

Meeqqat 15-nit inorlugit ukiullit atoqateqarsimasut affai atornerlugaasimasarput. Namminersorlutik oqartussanit naluanaarusiami "Kalaallit Nunaanni Inuusuttut"-mik taaguutilimmi tamanna atuarneqarsinnaavoq.

Meeqqat illersuisuata kisitsisit qaffasinnerujussuat akuersaarsinaanngilaa, pinaveersaartitsinikkullu iliuuserineqartartullu sunniuteqarluassappata allannguisoqartariaqartoq oqarluni.

- Soorunami akuerineqarsinnaanngilaq. Meeqqat pillugit isumaqatigiissut artikel 19 malillugu, meeqqat qanorluunniit illersorneqarsinnaatitaapput. Tassa pisinnaatitaaffigaat meeqqat illersorneqarsinnaanissartik aamma tamakkununnga, meeqqat illersuisuat Aviâja Egede Lynge oqarpoq.

Inuiaqatigiit akornanni ajornartorsiut aamma eqqartorneqartariaqartoq, taanna isumaqarpoq.

- Inuiaqatigiinni eqqartugassaavoq. Kisianni takussutissaavoq ukiorparparujussuit una ajornartorsiut ilisimareeripput. Takussutissaavoq meeqqat illersornissaannut iliuutsivut annikippallaartut, Aviâja Egede Lynge oqarpoq.

Aamma atuaruk Kisitsisit qaffasinnerujussui Naalakkersuisup ernumanartoqartippai

Pinaveersaartitsinerit, paasititsiniaanerit ingerlanneqartareeraluit kisitsisit takutippaat suli ajornartorsioqisugut. Pinaveersaartitsinikkut suliniutit, sumiiffinnut tulluarsarneqartariaqartut, Meeqqat illersuisuat isumaqarpoq.

- Iliuutsit tulluarsarlugit sumiiffinnut ajornartorsiutinut annertunerusumik akusussaaffimmik tigusiffigillugillu iliuuseqarfigisariaqarpagut.

Meeqqanik illersuinissarput inuiaqatigiinni pikkoriffiginerusariaqaraluaripput aamma oqaatigaa.

- Meeqqat illersorneqarnissaminnut pisinnaatitaaffeqarput. Kisitsisit taakku takutippaat toqqaannartumik taanna malinngikkipput, meeqqat illersuisuat Aviâja Egede Lynge oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat