Kalaallisuunik nutarterisarneq soqutiginarnerulersitsisuuvoq
Kalaallisuugut qanoq isikkoqassanersoq nunatsinni inatsiseqanngillat, isummalli amerlapput.
- Kalaallisooqarniaruit iluamik atorniakkit.
- Kalaallisuut kusanaatsumik takusassiaraatit.
- Inuttut pinngikkaluarlutit isumaqarpunga kalaallisuut taamatut atorniarakkit ittangasoq.
AAMMA ATUARUK Miss Danmarkimi peqataasoq aalassatsitsisoq
Nicoline Nivi Walstedip Miss Danmarkimut 2016-imi peqataanermini takisoqanngitsunik kalaallisooqarniarneranut ilaat taama isornartorsiorput.
Kalaallisuunillu nutarterisarneq allanngortiterinerlu pillugu misigissutsini sakkortuuni anitsisarneq taama itttoq siullerpaajunngilaq.
Soorlu atisaliortup Peter Jensenip takisuliani kimmikkaalliit isumassarsivigineqaqisut 2009-mi saqqummiummagit Nuummi akerliussutsimik takutitsisoqarpoq.
AAMMA ATUARUK Amerikamiut nutaalianik kameqarsinnaalissapput
Isornartorsiorsiuisulli eqqissiimillutik nutaaliortunut ammanerusumillu eqqarsartariaqartut, atisaliortoq Bibi Chemnitz taama isumaqarpoq.
- Allat suliaat assigiinngitsut takusakka soqutiginarnerulersitsisuupput, assigiinnitsuliarineqarsinnaapput, kalaallisuttami annoraaviniittut kalaallit naasorinngilaaluunniit. taamaamma uanni kalaallit naasui atiornearpata suli kusanarnerussagaluarput, Bibi Chemnitz taama oqarpoq.
Sisimiumi Kalaallisuuliornermik Ilinniarfimmi pisortaq Kirstine Berthelsen nassuiaavoq ilinniartutik qangatut kalaallisuuliornermik ilinniarteqqaariarlugit, taava namminneq ilusilersuinissaannut periarfissittaritik.
- Atisat taakkua kalaallisuut suliarerusutatik, qamani eqqarsaataani suliarerusutaat paarnaarnagit, tassa imaakkami uagut mersortartut qanoq ittunik atorusutagut killilerneqartussaanngillat, Kirstine Berthelsen taama oqarpoq, nangillunilu kalaallisuut qanoq isikkoqarnissaannut inatsiseqanngitsoq.
AAMMA ATUARUK Debat om modernisering af nationaldragten
Kalaallisuunik nutartiterisarneq pillugu Katuami unnugu oqallittoqassaaq.
Tassa Saqqummersitsineq Sermip Kunngiata Pania, Nunatta Katersugaasiviani Unnuk Kulturisiorfimmi ammartumut tunngatillugu kalaallisuunik nutarterisarneq allanngortiterisarnerlu pillgu Katuami unnugu arfineq marluniit qulingiluanut tungaanut oqallittoqassaaq.