Nalunaarusiaq: Atomimik nukissiorfikumi ulorianartumik qinngualasoqanngilaq
“Camp Centurymi atomimik nukissiorfeqarneratakinguneranik silaannarmut ulorianartunikqinnguaalasiqarsimaneranut takussutissaqanngitsoq inerniliunneqarpoq.”
Danmarks Tekniske Universitetimi Center for Nuklear Teknologip Camp Century pillugu nalunaarusiaani nutaami, KNR-ip pissarsiarisaani taama inerniliisoqarpoq.
Nalunaarusiaq GEUS-ip Asiallu Camp Centurymi 2017-imi misissuerujussuarnerata inernerisa ilagaat.
Misissuinermit paasissutissat sermimillu tamatuminngamaanna nakkutiginninneq uani campcenturyclimate.dk-mi takuneqarsinnaapput.
AAMMA ATUARUK Eqqagassat naatsorsuutigisamit siammaqqanerusut
Matumani GEUS-imit ilisimatuut USA-p atomimik nukissiutigisimasaa 1960-imit 1964-imut qinngualarnernik ulorianartunik silaannarmut sermimullu mingutsitsimanersoq paasiniarlugu sermimi 2017-imi aasaanerani arlalinniqilleripput.
Sermip ikiariisitaarnerini 32-35 meterimik ititigisumi qinngualanernik ulorianartoqartoq takussutissaqartoq, DTU-mi Center for Nuklear Teknologimi ilisimatooq, nalunaarusiamilu allaatiginneqataasoq, Sven Poul Nielsen nassuiaavoq.
AAMMA ATUARUK Misissuinerit aallartinneqartussanngortut
Qinngornerilli ulorianartut 1960-imit 1964-imut atomimik nukissiuteqarnermeersuunngillat.
Taakkuli Sorsunnerup Nillertup nalaani qaartartorsuarnikatomitalinnik misileraanerminngaanneersuupput, nunarsuup affaanut avannarlermut nittaallatut siaruarsimasut. Tamanna Sermersuarmi taamani misissuinernit uppernarsarneqarsinnaavoq.
- Akuutissat nassaarisagut taamani mingutsitsinerusumutilisimasatsinnut sanilliuppagut. Nalunaarsugatoqqanimmi nassaassaqarpoq. Qaffasissusaat Sovjetunioniusimasup USA-llu taamani qaartartorsuarnik atomitalinnik misileraanerannit uuttuinerit assigigaat takusinnaavarput, Sven Poul Nielsen itisiliivoq.
Ilisimatooq: Pinngortitamut inunnullu uloriananngilaq
Ulorianartunik qingualanikigaarmat, tamanna pinngortitamut, uumasunut inunnulluunniit uloriananngitsoq, Sven Poul Nielsen itisiliivoq.
- Ullumikkut qinngualanikitsuaraarsuuvoq. Piffissap 60-ikkunniit ingerlanerani annikilliartorsimavoq (...). Taamanilu annertussusaa inunnut avatangiisinullu aamma uloriananngereerpoq.
DTU-p nalunaarusiaa danskit naalakkersuisuisa USA-p Sermersuup iluani sakkutooqarfigisimasaani, Camp Centurymi mingutsitsinermik misissuisitsinissaannut 2017-imi inniminnigaavoq.
Danmarkip USA Camp Centurymi atomimik nukissiuutiliornissamut nukissiuummiillu imikoorummik Sermersuarmut igitsisarnissaanik 1962-imi akuersissuteqarfigaa. Naalaagaaffilli imikoorummit qinngualanerit ulorianartut annikitsuutinneqarnissaannut sukangasumik piumasaqaateqarpoq.
Aniatitsinerit 1960-imiit 1964-imut pipput, tamatumalu kingorna nukissiuut peerneqarluni USA-mut assartorneqarpoq.
Camp Centurymi imikoorummik eqqaavimmi suli misissuisoqanngilaq.
AAMMA ATUARUK Killiliussat Roskildep kangerluanut aniatitsinissamut killiliussanit sakkortunerusut
AAMMA ATUARUK Immikkut ilisimasalik: Imeq Camp Centurymeersoq uloriananngilaq
AAMMA ATUARUK Danmarkip USA saliinissamut tunngatillugu saaffigisimanngilaa
