Akkari: Sermitsiaq.AG isumatusaarluni pivoq
Ilinniartitsisoq siornatigut muamaakkunnut siuttuunikoq Ahmed Akkari, ukiuni qulikkaani kingullermi aappassaa narsami nunasisoq inuit oqaatsit titartakkallu tunngaviginagit iliuutsit tunngavigalugit naliliisalerpata profiitimut tunngatillugu titartakkap pillugit akerleriinnerit pinngitsuussagaluartut isumaqarpoq.
Aamma atuaruk Kalaallit Frankrigimi pisunut alianartunut misiginneqatiginnipput
Kujataanut nuunneq aviisimut Sermitsiamut allaatigisaqarami oqaluttuarpoq Narsamut ilinniartitsisutut aallartikkami pigiliutiinnakkanik isumaqanngitsunik naapitsisimanini. Akkari Europamiit nunallu kangianeersunit uppertuunianit toqumik siorasaagaasarnini pillugit qimarngusuuvoq, upperisaqatini sakkortusaarniat tunullugit aammalu sunniiniartuusimanini ugguaralugit.
Ahmed Akkari allaatigisamini sermitsiaq.AG-ip tapersersornerarpaa, Charlie Hepdomi titartakkat oqallisaaqisut aviisiminni saqqummissanersut atuartartuminut apeqqutigimmassuk. Qajassuussivallaannginnissarli eqqaamaneqartariaqartoq, taassuma allaaseraa.
- Arlaannaalluunniit ajortuliornernut nakkaannarani isummani annittuartariaqarpaa.
Aamma atuaruk ASSIT Kalaaleq Parisimi ippassaq ingerlaaqatigiittoqarmat peqataavoq
Parisimilu pisut assigalugit pinerlunnerit siunissami qanoq anigorneqarsinnaappat? siornatigut sakkortuunik isummersorsinnaasup narsamit qarasaasiaminit siunnersuutissaqarpoq.
- Inuit silappaarissut naapillutik qanoq iliorluni nunavissuit upperisallu akimorlugit inuinnaat naalakkersuisooqataanerannut atatillugu pingaartitat pillugit oqaloqatigiinnerulernissamut aqqutissiuussisariaqarput, taamaaliornikkullu kiffaanngissuseqarnissamut pisinnaatitaaffinnik apeqqusersuinaik illersuillutik-ingammik killiligaanani oqaaseqarsinnaaneq illersorlugu.
