Kalaallit Frankrigimi pisunut alianartunut misiginneqatiginnipput
Nunatsinni misiginneqataanermik takutitsiniarluni atsiornernik katersisoqariarluni, taakku Frankrigip aallartitaqarfianut Københavnimiittumut nassiunneqassallutik. Taama isumassarsisuupput, Aningaasaqarnermut naalakkersuisoqarfimmi immikkut siunnersorti, Peter Beck aamma franskit Nunatsinni konsuliat, Henriette Rasmussen, taanna KNR-imi aallakaatitsinermi redaktøriusoq.
Misiginneqatiginninnermik allagaq franskisut allanneqarsimasoq, kalaallisuunngortillugu ima KNR-imit nutserparput:
- Aviisimi Charles Hebdomi sulisut saassunneqarnerisa kinguneranik franskit inuiaqatigiit aliasoqisut, Kalaallit Nunaanni innuttaasugut misiginneqatigaagut. Minnerunngitsumik aviisimi Charlie Hebdomi sulisut toqutaasullu ilaqutaat misiginneqatigaagut.
Killilersorneqarani isummersorsinnaatitaaneq taamatullu killilersorneqarani tusagassiisinnaatitaaneq demokratiitta tunngavigilluinnarpaat. Taamaattumik inuiaqatigiit aamma inuit ataasiakkaat pisinnaatitaaffii pillugit pinerliinerit sakkortuumik akerlilerpavut.
Misiginneqatiginnissut ilaatigut Kommuneqarfik Sermersuumi borgmesterip, Asii Chemnitz Narupip atsioqataaffigisaa taama allassisoq, franskit Danmarkimi allaartitaqarfianut nassiunneqarpoq.
