Assi: DR Arkiv

Oqalliseqataasartoq: ”Kalaallit Nunaannut Juullimi inuulluaqqussut” pisoqaavallaalerpoq

Danmarkip Radioata aliikkusersuinermik aallakaatitassiaa ”Julehilsen til Grønland” (Kalaallit unaannut Juullimi Inuulluaqqussut, aaqq.) Kalaallit Nunaannut isiginnittaatsimik pisoqaavallaartumik danskinutakutitsivoq, oqalliseqataasartoq Nauja Lynge taama isumaqarpoq. Danmarkip Radioata aliikkutassaqartitsinermut pisortaata aallakaatitassiaq illersorpaa.

- Aallakaatitassiap nuannarineqarnera paasilluarsinnaavara, aamma tunngaviatigut DR-ip taamatut tunniussaqarnera kusanarpoq. Nutaanngorsartariaqarporli. Ukiummi tamaasa ullormi ataatsimi qanga pissutsit atugaasimasut takutittarpagut.

Kalaaleq oqalliseqataasartoq Danmarkimi najugalik peqatigiiffik Naalagaaffeqatigiinnermilu siulittaasoq, Nauja Lynge, aviisimi Jyllands-Postenimi pingasunngornermi taama oqarpoq.

Taanna isumaqarpoq Danmarkip Radioata Kalaallit Nunaannut juullimi inuulluaqqussutaa 1932-mili ingerlasoq aallakaatinneqaraangat qimussit, puisinniat kalaallisoortullu tunuliaqutigisarnerat Kalaallit Nunaannut isiginnittaatsimik pisoqaavallaartumik nikinneqanngitsumillu danskinut takutitsisartoq.

AAMMA ATUARUK Nunatsinnut juullimi inuulluaqqusineq 85-issaannik aallakaatinneqassaaq

Kalaallit Nunaat kalaallillu Danmarkimiittut ukiumut ataasiaannaq saqqumilaartiinnarnagit sammineqarnerat ukiup sinneranut siammarneqartariaqarpoq, Nauja Lynge taama isumaqarpoq.

Danmarkilli Radioani aliikkutassaqartitsinermut pisortap Jan Lagermand Lundmep ukiumoortumik aallakaatitsisarneq illersorpaa.

- Aallakaatitassiaq aliikkusersuineriinnaanngilaq. Taamaammat aamma ukiut ilaanni aallakaatitassiaq tamakkerlugu Kalaallit Nunaannit aallakaatipparput inuiaqatigiit qanoq nutaaliaatiginersut takutikkumallugu. Allangoriartornerit Kalaallit Nunaanni atugaasimasut annertuupilussuit aamma sammivagut. Aamma aallakaatitassiap siunerataa attaveqarnissap qanoq pingaaruteqartiginera ersersissallugu, Jyllands-Postenimut taama oqarpoq.

AAMMA ATUARUK DR-ip Kalaallit Nunaannut juullimi inuulluaqqussutaa Katuami immiunneqassaaq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!