DR-ip Kalaallit Nunaannut juullimi inuulluaqqussutaa Katuami immiunneqassaaq
Julie Berthelsen aamma Mike Fencker Thomsen inuulluaqqusinermi aqutsisuussapput, taannalu 1932-miilli radiukkut, kingornalu tv-kkut Danmarkimiit nunatsinnut inuulluaqqussutaasarsimavoq.
DR-ip juullimut inuulluaqqussutit nunatsinni ukiormanna immiutissavaat, Katuamilu tusarnaartitsinissap saniatigut illoqarfinni assigiinngitsuni immiussisoqassalluni.
DR-ip nipilersoqatigiivi ukiormanna peqataatinneqassanngillat, nunatsinneersulli nipilersortartut erinarsoqatigiillu juullerpalaarneq attatiinnassavaat.
Qissiat, Nina Kreutzmann Jørgensen, Pele Møller, Hanne S. Immanuelsen, Jim Milne, David Manumina, Kristian Gintberg aamma Nordisk Koncertkor tusarnaarneqarsinnaasunut ilaassapput.
Sapaammi Novembarip 30-anni nalunaaqutaq tallimaniit arfineq marluk qeqqata tungaanut Hans Lyngep inersuani tamakku tamarmik pissapput.
Nalunaaqutarli tallimat qeqqaniit Katuap inersuani juullerpalaartitsileriissapput.
DR-ip tusarnaartitsineq immiutissavaat juullilerneranilu DR-mi aallakaatinneqarumaarluni.
Ilanngulluguli oqaatigissavarput, tusarnaariat tusarnaartitsinerup nalaani assileeqqusaanatillu videolioqqusaassanngimmata.
