SMS 1717 mobiilikkut kiffartuussineq
1717-imi KNR-ip kiffartuussinera
SMS-imik nassitsileruit allatuulli SMS-ileraangavit allassaatit KNR-imullu nassitsileruit normumut 1717-mut nassitsissaatit.
Nassiunniakkat immikkut ittumik inniminniinermi keyword-mik taaneqartartumik aallaqqaateqartuaannassaaq. Allaakaatitassiamut sorlermut kiffartuussinermulluunniit ingerlanersoq taassuma KNR ilisimatissavaa.
Taanna keyword tassaasinnaavoq, soorlu KNR-imi Nutaarsiassaqartitsivik nalunaarfigerusukkukku, Unnia kingornalu allakkusutat.
KNRip SMS-imik kiffarsuussineri ingerlasut
| Keyword | Nassuiaaneq | Akiata nalinginnaasup qaavatigut |
|---|---|---|
| Unnia | Nutaarsiassanut nalunaarut | 1 kr. |
| Tip | Nutaarsiassanut nalunaarut | 1 kr. |
| Aqqu | Tv-kkut makitsineq | 15 kr. |
| Nipaa | Radiukkut aallakaatitaq "Nunatta nipaa" | 1 kr. |
SMS sunaagami?
Oqarasuaammit angallattakkamit allamut oqarasuaammut allamut SMS-ersinnaavutit. Oqarasuaatit angallattakkat tamarmik SMS-inik nassitsillutillu tigusaqarsinnaapput.
SMS-ikkut nalunaarutit amerlanerpaamik 160-inik naqinneqarsinnaapput akunneri ilanngullugit, takinerussappallu SMS-inut amerlanernut avinneqartarluni. Oqarasuaatinili amerlanerni takussutissaqartarpoq nassiussaq ataasiinnartut isikkoqarluni, taamaalillunilu nassitsisoq SMS-inut amerlanernut akiligassinneqarsinnaalluni.
Qanoq akeqarpa?
SMS-inik KNR-ip neqeroorutaasa ilaat akeqarput. Tamanna pissuteqarpoq SMS-inik MMS-inillu KNR nassiussuinermi akiligassinneqartarami.
Taamaammat kiffartuussinerni taakkunani KNR aningaasarsiuteqanngilaq taakkunanngali ingerlatsinerni, aserfallatsaaliinerni ineriartortitsinermilu matussutissanut akiliutit atorneqartassallutik.
KNR-imut SMS-inik nassitsineq SMS-ernerup nalinginnaasup qaavatigut 1 kr-mik nalinginnaasumik akeqartarpoq, apeqqutaalluni oqarasuaaterpit atassusernera qanoq ittuunersoq akileereerluniluunniit immertakkamik peqarnerit ilanngullugu eqqarsaatigalugu. Taamaasilluni SMS-ernerit aki nalinginnaasoq kiisalu aki tapiliussaq 1 kr-iusartoq ilanngullugu ataatsimoortillugit akeqassapput. Akit nikerarsinnaapput kiffartuussineq sorleq apeqqutaalluni.
SMS-ikkut nalunaaruteqaraangavit aningaasanik utertittoqarsinnaanngilaq.
Akit taakku marluk ima agguataagaapput: SMS-imut aki nalinginnaasoq Tusass-imut akilerneqassaaq tamannalu KNR-p oqartussaaffiginngilaa. Akit tapiliussat arlalinnut atussapput, SMS-ernerit arlariinnit suliarineqartussaammat. Taamaasilluni KNR-p makku akilissavai:
- Oqarasuaatinut angallattakkanut SMS-ernermi nassiussuinermi oqarasuaatinnullu akissuteqarneq
- SMS-erluni sullissinermi ineriartortitsineq aserfallatsaaliinerlu
- Angallattakkamik oqarasuaativit attaveqarfiinut atuineq taakkulu sullissinerisa akilersuineri.
Immikkut akinut tapiliussat 1 kr-mit akilerneqareerpata KNR iluanaaruteqaranilu annaasaqaatigissanngilai.
Qaqugu akiliissaanga?
Tusass-imi konto-t imaqartariaqassaaq. SMS-erutit KNR-imut anngutereerpat Tusass-ip kontonnit ilanngutissavai.
Oqarasuaatinut angallattakkanut sullissinermi ajornartorsiuteqaruit tamanna pillugu attavigitigut.
Normunut immikkut ittunut SMS-erniaruit Tusass-ip paasissutissai uani atuakkit
SMS-ikkut unammisitsinerit aamma katersuiniarnerit pillugit Tusass-ip paasissutissai uani atuakkit
SMS-ernissamut ilitsersuut
SMS tassaavoq short message service allakkanillu naatsunik nassitsinermik isumaqarluni. Oqarasuaatit angallattakkat tamarmik SMS-inik nassitsisinnaapput immikkullu atortalernissaannik iliuuseqartariarani.
Oqarasuaatit angallattakkat assigiinngitsorpassuupput tamaasalu immikkut ilitsersuutaat uani taakkartorsinnaanngilavut taamaattorli SMS-imik nassitsiniaraanni nalinginnaasumik imaattarluni:
- Oqarasuaatinni toqqagassanut iserit kiisalu uku toqqarlugit: 'Beskeder' imalt. 'Meddelelser'
- Toqqaruk 'Skriv ny' imalt. 'Ny besked'
- Nassitsiniarluni SMS toqqaruk.
- 1717 tigusisussatut toqqaruk, taaamassinnaanngippat immikkoortoq 7-p kingorna takuuk.
- Keyword siuliani eqqaasarput allaguk nassitsivissaa taannaammat. Keyword-ip eqqortumik allannissaa pingaaruteqarpoq, taamaanngippammi apuuffissaminut apuutinngitsooqinaaq. Keyword pillugu nalornissuteqaruit nittartakkatsinni takuuk aallakaatitassiamut sumut nassitsiniarnerlutit.
- Keyword allareerukku ataatsimik akunnileriarlugu aallakaatitassiami aaqqissuisunut allariaannanngorputit. SMS-imilli kiffartuussinerinnaq kisiat piniarukku keyword kisiat allassavat. Taanna qarasaasiamit suliarineqassaaq aaqqissuisoqarfinnullu anngutissanani.
- 'Fortsæt' aamma/imalt. 'Send' toqqaruk. Siuliani taama piumaafigineqanngikkuit maanna tigusisussap normua piumaneqassaaq. 1717 allaguk nasiullugulu ’Send’. Taamaasilluni KNR-imut nassiutissavat.
- Tigusaqarsimanermut akissut utaqqiuk nassiussat DR-ip qarasaasiaanit tiguneqareerpat. Malugiuk oqarasuaatit ilai kalaallisut ilitsersuutitaqarsinnaammata.
Google atorlugu SMS pillugu nassuiaanerit