Trump Danmarkimut tikeraassanerluni qularaa

Tusagassiortunik katersortitsinermi sapaammi unnukkut pisumi tikeraarnissani qulakkeerlugu oqaatigisinnaanagu oqarpoq. 

- Pisariaqavitsinnagu Danmarkililarniassara qularaara. Immaqa taamaaliussaanga. Polenimukassaagut immaqa aamma Danmarkiliarumaarpugut.

AAMMA ATUARUK Trumpip Kalaallit Nunaannut aaqqissuussaanikkut soqutiginninnini ilalerpaa

Danmarkimi ministeriunerup  Mette Frederiksenip Kalaallit Nunaannut ippassaq tikittup suli upperaa, USA-mi præsidentip timmisartorsua Air Force One, septemberip ulluisa aappaanni Danmarkimiut tikikkumaartoq.

- Amerikamiut præsidentiannik tikeraartoqarnissarput naatsorsuutigaarput piareersaleruttorpugummik Mette Frederiksen DR-imut taama oqarpoq.

- Tikeraarnissaanut qilanaarpugut.  USA isumannaallissaanikkut politikkimi suleqatigisatsinni pingarnersaavoq, Mette Frederiksen oqarpoq.

USAp præsidentia Donald Trump ippassaq tusagassiortunik katersortitsinermi uppernarsarpaa, Kalaallit Nunaata pisiarinissaannut eqqarsaatersorsimalluni.

AAMMA ATUARUK Trumpip nunatsinnut pisinissamik isummersornera Nuummiunit quianaagineqarpoq