Løkkep Blinkenillu Kina Ukrainelu Washingtonimi ataatsimiinnerminni oqaloqatigiissutigigaat
Danmarkip nunanut allanut tunngasunut ministeriata Lars Løkke Rasmussenip USA-p nunanut allanut tunngasunut ministeria Antony Blinken Washingtonimi ataatsimeeqatigimmagu USA-p Europallu Ukrainemik tapersuiuarnissaat pingaarnertut oqaloqatigiissutigineqartunut ilaavoq.
- Ruslandip Ukraine saassummaguli ukioq ataasinngulerpoq, danskit nunanut allanut tunngasunut ministeriat ataasinngornermi unnukkut oqartoq nutaarsiassaqartitsivik Ritzau allappoq.
- Allanngulertoqarunarpoq. Russit saassussinerunissaat ilimagineqarpoq, saassussinerallu aallartereerneranut takussutissaqarpoq. Ukrainemik tapersersuinitsinni nukittunerunissarput ataatsimoornissarpullu taamaammat pingaaruteqarnerulerpoq, Lars Løkke Rasmussen oqarpoq.
Nunat killiit Ukrainemik tapersersuinerulersimasut taanna aamma isumaqarpoq:
- Danmark sakkussanik tunissuteqarpoq, qamutinillu sorsuutinik Tyskland Belgialu peqatigalugit tunissuteqarnissaq pilersaarusiulereerparput , taanna oqarpoq.
Kinamiut qullartaasianik atuillutik USA-p silaannartaanik alapernaarsuineragaanerat ulluni makkunani oqallisigineqangaatsiarpoq. Qullartaasiaasorineqartut qaammatip massuma ingerlanerani nakkartinneqarput, qulaavaasullu suussusersineqanngitsut pingasut tallimanngormat, arfininngormat sapaatiummallu aamma nakkartinneqarlutik.
Løkke ataatsimiinnermi tamanna pillugu aamma ilisimatinneqarpoq.