Zelenskyj-p Danmark qutsavigigaa kaammattorlugulu

Danmarkip Ukrainemik ikiuineranut qujamasoqaluni, Ukrainep præsidentiata Volodymyrip marlunngornermi erseqqissaatigaa.

Zelenskyj tusagassiortunik attaveqaatit aqqutigalugit Berlingske Mediami Københavnimittumi katersortitsinermi taama oqarpoq.

AAMMA ATUARUK Ukrainep præsidentiata Danmark nunallu allat qulingiluat sakkunik amerlanerusunik qinnuigai

Ukrainellu russinut sorsunnerani ikiorneqarnissamik suli pisariaqartitsisoq, præsidentip ilanngullugj oqaatigaa.

- Atorfissaqartitagut tamaasa pigalugit oqaatigisinnaanngilara. Soorunami suli ikiorneqarsinnaavugut. Danmarkilli ikioraatigut oqaatigisinnaavara. Danmarkip statsministeria Europami naalakkersuinikkut siuttut Ukraineliartut siullersaannut ilaavoq, Zelenskyj oqarpoq.

AAMMA ATUARUK Ukrainip EU-mut ilaasortanngornissaa sukkaannaq suliariniarneqartoq

Præsidenti Zelenskyj Danmarkimi politikerinut ersarissumik kaammattuuteqarpoq.

Ukrainemmi EU-mut ilaasortanngorniarneranut tapersersorneqarnissaa kissaatigaa.

- Ukrainep EU-mut ilaasortanngornissamut qinnuteqarnerata Danmarkimit Europamilu nunanit allanit tapersersorneqarluarnissaa kissaatigaara, Zelenskyj oqarpoq.

Ukrainep EU-mut ilaasortanngornissaa Ukrainemiut 96 procentiisa kissaatigigaat, Zelenskyj oqarpoq.