Ilinniagarissaarneruleriartorpugut
Nunatsinni ilinniagaqarnermik allagartaqartut 2013-mi, 15.505-iupput. Taakku Nunatsinni innuttaasut 16-ileereersimasullu tamakkerlugit 34,4 procenteraat. Kisitsillu tamanna ukiut qulit matuma siornagumut naleqqiullugit 6 procentpointinik amerleriarsimavoq.
Nunattta Naatsorsueqqissaartarfiata kisitsisaataanni aamma atuarneqarsinnaavoq, ilinniarsimasut amerlanerpaartaat inuussutyissarsiutinut tunngasunut ilinniarsimasuusut imaluunniit ilinniarnertuunngorniarfinni atuareernerup ingorna allagartartaarsimasut. Tamatumalu kingunera annertunerusumik ilinniaqarnissamik aallartitsisut amerliartorneri.
Aamma atuaruk Ilinniartitaaneq pillugu qineqqusaartut oqallitsinneqarnerat takoqqiguk
Ilinniagaqarsimasulli 16-ileereersimasut amerlanerpaartaat arnaapput. Taakku ukiut qulit kingulliit eqqarsaatigalugit 8 procentpointimik amerlanerulersimallutik, angutillu ilinniarsimasut taamaallat 4 procentpointimik amerlisimallutik.
Kisitsisit allat aamma takutippaat, inuiaqatigiit 25-leereersimasut akornanni ilinniagaqarsimallutik allagartallit 2013-imi 39 procentiusut, 2002-mi taammaallaat 30 procentiusimallutik.
Aamma atuaruk Ilinniartitaanikkut siunissarput qulakkeerniarpaat
Inuiaqatigiit akornanni inuit 4.740 2013-imi qaffasinnerusumik ilinniagaqarsimapput taakku affaat sinnerlugit Ilisimatusarfimmi bacheloritut ilinniarsimasuullutik soorlu peqqissaasut, ilinniartitsisut tusagassiortullu.
