WHO: Nunarsuarmi inuit qulerarterutaat virusimik tunillanneqarsimasinnaapput
Nunarsuarmi inuit quliugaangata ataaseq coronavirusimik tunillatsissimasinnaavoq.
Naalagaaffiit Peqatigiit peqqissuunissaq pillugu suleqatigiiffiata WHO-p peqqissuunissaq pillugu upalungaarsimasuutitaanneersoq, Michael Ryan, taama oqarpoq. BBC taama allappoq.
- Nunarsuarmi inuit qulerarterutaasa missaat virusimik tunillanneqarsimasinnaanerat eqqoriarparput, Michael Ryan oqarpoq.
Nunarsuarmi inuit 35,3 millionit missaat coronavirusimik tunillatsissimasut, USA-mi ilisimatusarfiup Johns Hopkins Universityp kisitsisaataasa pisortatigoortut takutippaat.
AAMMA ATUARUK Coronadødsfald runder en million på verdensplan
WHO-p naliliinera aallaavigalugu nunarsuarmi inuit 760 millionit coronavirusimik tunillatsissimasinnaanissaat ilimagineqarpoq.
Nunarsuaq tamakkerlugu tunillatsissimasut ilimagisamit amerlanerungaatsiarsinnaanerat, peqqissutsimik immikkut ilisimasallit qangali oqaatigisarpaat.
Inuit Covid-19-imik nappaateqarnermut ersiutillit taamaallaat nunani amerlasuuni misissorneqartarnerat ilaatigut pissutaasinnaavoq, coronavirusillu tuniluutileqqaarneranut naleqqiullugu maanna misissuisoqarnerulernikuulluni.