Naalagaaffiit Peqatigiit peqqissuunissaq pillugu suleqatigiiffiata (WHO-p) pinaveersaartitsinermik suliniuteqarluanngikkutta coronamut attuumassuteqartunik toqquteqartut nunarsuaq tamakkerlugu 2 millioninngorsinnaasut aarlerisaarutigaa.Assi: Ronen Zvulun/Reuters/Ritzau Scanpix

Nunarsuaq tamakkerlugu coronamik toqquteqartut 1 millioninngortut

Nunuarsuaq tamakkerlugu coronamik tunillatsissimallutik toqusut nalunaarsorneqartut marlunngornermi 1 millioniusut amerikamiut ilisimatusarfianit, John Hopkins Universitymit kisitsisit takutippaat.

1.000.555.

Nunarsuaq tamakkerlugu coronamik tunillatsissimanermi kingorna toqusutut nalunaarsorneqartut danskit nalunaaqutaat naapertorlugu marlunngornerup unnuaani 1 millionit tikippaat. Tamanna amerikamiut ilisimatusarfianit, Johns Hopkins Universitymi naatsorsuinerup takutippaa.

USA-mi coronamik toqquteqartut 205.000-init amerlanerulaarput, taamaalillunilu nunarsuarmi tamarmi coronavirusimik toqquteqartut USA-mi 330 millionit missaannik innuttaasoqartumi amerlanerpaallutik.

Brasiliami coronavirusimik toqquteqartut amerlanerpaartaat tulleraat, Brasiliami inuit 142.000-it coronavirusimik toqquteqarput. Brasiliami innuttaasut 211 millionit missaanniipput.

Nunarsuarmi tamarmi coronamik tunilatsissimasut 33,3 millioniusut uppernarsarneqarsimapput.

AAMMA ATUARUK Coronavirusimik Danmarkimi tunillatsissimasut maajimili aatsaat taama amerlatigisut

Tunillatsissimasut aamma coronamik toqquteqarsimasut amerlanerusinnaapput, nunammi tamarmik naammattumik misissuinissamut toqqutigineqartunillu misissuinissamut amigaateqarput.

Naalagaaffiit Peqatigiit peqqissuunissaq pillugu suleqatigiiffiata (WHO-p) pinaveersaartitsinermik suliniuteqarluanngikkutta coronamut attuumassuteqartunik toqquteqartut nunarsuaq tamakkerlugu 2 millioninngorsinnaasut aarlerisaarutigaa.

- 1 millionit amerlasoorujussuupput, millionillu tulliisa eqqarsaatigilinnginneranni eqqarsaatiginnittariaqarpugut, WHO-p pinasuartumik suliniuteqartarnermut pisortaa, Michael Ryan tusagassiortunik tallimanngornermi katersortitsinermi oqarpoq.

- Kisitsit taanna anguniarnagu ataatsimoorluta iliuuseqarnissamut piareersimavugut?, taanna aperisoq nutaarsiassaqartitsivik, AFP allappoq.

Nunarsuaq tamakkerlugu tunillaassuuttoqarnerani toqusorpassuaqarnerata saniatigut nunarsuarmi aningaasaqarneq aamma innarlerneqangaatsiarpoq.

Nunarsuaq tamakkerlugu timersornikkut kulturikkullu aaqqissuussinerit taamaatiinnarneqarput, takornariat angerlarsimaannartariaqarput, nunanilu amerlasuuni suliffeqarfiit atuarfiillu matuinngikkunik ilaatigut matoqqatinneqarput.

AAMMA ATUARUK Tamaat isigalugu: Coronavirus pillugu killiffik

Nunat siuarsagassat taarsigassarsiniartarfiata (IMF) aningaasatigut sunniutit "asseqanngitsumik ilungersunartorsiornermik" kinguneqarsinnaasut ukioq manna siusinnerusukkut aarlerisaarutigaa.

Tamatuma kingorna nunat tassiiusut paasissutissat aningaasaqarnerit ataasiakkaat aningaasatigut eqqugaanerannik takutitsisut saqqummiuppaat, sumiiffinnili amerlasuuni tamanna ilimagisatulli ajortiginngitsoq takutinneqarluni.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 10353
  Tunillanneqarsimasut
17
  Peqqisseqqittutut nalunaarutigineqartut 16
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  oktobarip 23-at 2020 nal. 10:45