- Tunillaassuunnerup qaangiunissaa tamatta kissaatigaarput. Inuunerput ingerlateqqikkusupparput. Kisianni pissutsit piviusut imaannaanngitsut oqaatigissagaanni qaangiuteqqajanngilaq, WHO-p pisortaa Tedros Ghebreyesus oqarpoq. Assi: Callaghan O'hare/Reuters/Ritzau Scanpix

WHO: Coronap tunillaassuunnera qaangiuteqqajanngilaq

Nunat amerlasuut siuariarsimagaluartut nunarsuarmi tamarmi tunillatsittut amerliartupiloortut, WHO aarlerisaarivoq.

Coronaviruseqalerneranit qaammatit arfinillit qaangiutereersut coronavirusip nunarsuaq tamakkerlugu tunillaassuunnera qaanngiuteqqajanngilaq. Pisussat ajornerit suli pinngillat.

Naalagaaffiit Peqatigiit peqqissuunissaq pillugu suleqatigiiffianni WHO-p pisortaa, Tedros Ghebreyesus, tusagassiortunik ataasinngornermi aggersaanermi taama oqarpoq.

- Tunillaassuunnerup qaangiunissaa tamatta kissaatigaarput. Inuunerput ingerlateqqikkusupparput. Kisianni pissutsit piviusut imaannaanngitsut oqaatigissagaanni qaangiuteqqajanngilaq, WHO-p pisortaa oqarpoq.

- Nunat amerlasuut siuariarsimagaluartut, nunarsuarmi tamarmi tunillatsittut amerliartupiloorput.

AAMMA ATUARUK Nunarsuaq tamakkerlugu coronavirusimik toqquteqartut 300.000-nit amerlanerulertut

WHO-mi pisortat ilaata Mike Ryanip nunarsuarmi tamarmi coronavirusimut akiuussutissaliorniarlutik suliniuteqartut nersualaarpai.

Tamatumali iluatsinnissaa qulakkeerneqarsinnaanngitsoq, taassuma ilanngullugu oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat