Weinsteinip kannguttaatsuliorneragaanini pinngitsuuffigineraraa
Arnamut 2006-imi kanngutsaatsuliorsimasutut pasineqarnini ataasinngornermi ilumuunngunnerarpaa.
Weinstein eqqartuussivimmi suliani marlunni allani aamma pinngitsuunerarpoq.
Weinsteinip illumiit aneqqusaajunnaarsinneqarnissaminik piumasaqaataa eqqartuussisup, James Burkep itigartitsissutigaa.
Unnerluutigineqartoq maanna 66-nik ukioqartoq parnaarussaaqqanngilaq.
Qularnaveeqqusiilluni parnaarussaajunaarpoq maajip qaammataani en million dollarsinik akiliilluni, taamani unnerluutigineqartunut akissuteqarpoq, arnanut allanut marlunnut 2004-mi aamma 2013-imi kanngutaatsuliorsimasutut unnerluutigineqarami.
Weinsteinip arnanik piumanngitsunik atoqateqarsimaneragaalluni unnerluussaanini tamarmik arlaleriarluni pinngitsuuffiginerarpai.
Filmiliornermik ingerlatsisup arnat 70-init amerlanerusut kinguaassiutaasigut atornerlussimagai pasilliutigineqartorli filmiornermik inuussutissarsiuteqarnera isasuuissimavoq.
((Arnat amerlanerit inuusuttuupput isiginnaartitsisartut allallu Weinsteinip ukiorpassuarni filmiliornermi suliaqarfigisaani sulisuullutik.
Weinsteinimut pasilliutigineqartut nittartakkatigut attaveqaqatigiittarfinni, MeToo-mik eqeersaasoqarneranit aallartinneqarput.
Eqeersaasoqarnerata kingunerisaanik arnarpassuit aliikkusersuinermik inuussutissarsiuteqarnermi, inuussutissarsiortunit politikkiniittunillu angutinit tusaamaneqarluartunit pissaaneqartunit kanngutsaatsuliorfigitissimanerarrapput. ))
/ritzau/Reuters