Webbyaward tusaamasap tigussavaa
Nicolaj Coster-Waldau filmi "Game ig Thrones"-mi USAmi tusaamasaaleruttorpoq. TV-kkut aallakaatitassiaq nangeqattaartoq ukiuni akullerni pisimasuutitaq Danmarkimi TV3-mi aamma takuneqarsinnaavoq. Nicolaj Coster-Waldauip nulia Nukâka kalaaliuvoq.
- Kalaallit Nunaat kalaalerpaluttullu assorujussuaq nuannaraakka, aamma isumaqarpunga kalaallit takornariartitsineq pillugu nittartagaat unamminermi taama nuimatigisumi ajugaammat tulluusimaarutissaasoq, Nicolaj Coster-Waldau oqarpoq, qilanaarnerarporlu amerikami isiginnaartartut oqaluttuunnissaannut nunarsuarmi qeqertat annersaanni ilaqutaqarnerminik.
Visit Greenlandip pisortaaq Anders Stenbakken assut tulluusimaarpoq isiginnaartitsisartoq nunani tamalaani taama tusaamasaatigisoq sinniisuuniarmat nersornaatip ataqqinartup tunniunneqarnissaani. Tamannami isinnaartut aamma maluginiassagunaqaat.
- Assorujussuaq nuannaarutigaarput Nicolaj peqataajumasimammat taamaasillunilu Kalaallit Nunaat aamma greenland.com malugiarneqartittussaallugit. Aamma pissanngatigaara nersornaatip tunniunnerani sulisorpullu qanoq naatsukullammik oqarumaarnersut. Taakku isumaliutigivaat Nicolaj Coster-Waldauip kalaallisut oqarnissaa, Anders Stenbakken oqarpoq, maannali suli oqaatigiumanagu qujaniarluni qanoq oqaaseqassamaarnerlutik.
Nersornaatip ataasinngorpat tunniunneqarnissaa malinnaavigineqarsinnaavoq uani: www.webbyawards.com